बाँके बैशाख २७ गते ।
नेकपा एकीकृत समाजवादी पार्टीको तर्फबाट नेपालगञ्ज उपमहानगरपालिका वडा नम्बर ५ मा वडाअध्यक्ष पदका उम्मेदवार मो सब्बीर अन्सारीले आफु निर्वाचित भए गरिव व्यक्तिहरुलाई निःशूलक उपचार सेवा प्रदान गरिने बताएका छन् ।
उनले अझै पनि वडाबासीहरु विरामी पर्दा स्वास्थ्यको पहुँचमा पुग्न नसकेको भन्दै उनले ती मानिसहरुलाई प्रभावकारी स्वास्थ्य सेवा दिने बताए ।
उनले आफ्नो वडाबासी सबैलाई साक्षर बनाउने घोषणा पनि गरेका छन् । आफु निर्वाचित भए प्रौढ कक्षा संचालन गरेर भएपनि सबै वडाबासीलाई साक्षर गरिने उनको भनाइ छ ।
वडा नम्वर पाँच अझैपनि डुवान समस्याग्रस्त वडा भएकाले सडक र नाला नपुगेका वस्तीमा तत्काल सडक नाला निर्माणलाई अघि बढाइने उनको भनाइ छ ।
उनले आवश्यकताका आधारमा बाटो पिच गरिने बताएका छन् । आफु निर्वाचित भए जेठको दोस्रो हप्ताबाटै डुवान समस्या हल गरिने उनको भनाइ छ ।
उनले गएको निर्वाचनमा निर्वाचित जनप्रतिनिधिले नागरिकले अपेक्षा अनुसार काम गर्न नसकेको बताए । एउटा सेवाग्राही नागरिकताको सिफारिस लिन महिनौं दिन कार्यालय धाउनु पर्ने बाध्यताको अन्त्य गरिने उनको भनाइ छ ।
उनले आर्थिक बेरोजगारको समस्या हल गर्न विभिन्न सीपमुलक तालिमको व्यवस्था गरिने उनले बताए । उनले वडालाई सुरक्षित राख्न सिसि क्यामेरा जडान गरिने बताए ।
उनले तीन वर्षको अवधिमा वडाका सबै ठाउँमा सिसि क्यामेरा जडान गरिने बताए । उनले पार्टी भन्दा व्यक्ति हेरेर मत दिन आव्हान गरेका छन् । ३८ सालदेखि राजनीतिमा सक्रिय उनी आफु निर्वाचित भए इमान्दारिताका साथ काम गर्ने प्रतिबद्धता जनाएका छन् ।
Discussion about this post