बाँके साउन १ गते ।
नेपालगन्ज–गुलरीया सडक खण्डमा यात्रुवाहक बसले एकैचोटि आटोरिक्सा र स्कुटीलाई ठक्कर दिँदा चार जना घाइते भएका छन् । घाइते मध्ये एक जनाको अवस्था गम्भीर रहेको बताइएको छ ।
बाँकेको जानकी गाउँपालिका वडा नम्बर ३ स्थित साइनिंग अस्पताल नजिक आइतबार दिउँसो करीब २ बजेतिर खजुराबाट नेपालगञ्ज आउँदै गरेको प्रदेश ३–०१००६ ख ०९८० नम्बरको बसले अटोरिक्सा र स्कुटीलाई ठक्कर दिँदा ४ जना घाइते भएको छन् ।
ठक्करबाट भे ९ प ५४३१ नम्बरको स्कुटीमा सवार खजुरा गाउँपालिका वडा नं ४ की ४५ वर्षीया लक्ष्मी शाह, मे १ ह १०३३ नम्बरको अटोरिक्सा चालक खजुरा वडा नं ७ का ३७ वर्षीय राम सेवक यादव, अटोमा सवार सोही ठाउँका १६ वर्षीय हनिष खाँ र पैदल यात्रु ३५ वर्षीय इस्माईल साई घाइते भएको जिल्ला प्रहरी कार्यालय बाँकेका प्रवक्त प्रहरी नायब निरीक्षक मधुसुदन न्यौपानेले जानकारी दिनुभयो ।
दुर्घटनामा परि अटोमा सवार १६ वर्षीय खाँ गम्भीर घाइते भएका छन् । घाइते सबैको नेपालगञ्ज मेडिकल कलेज नेपालगञ्जमा उपचार भइरहेको छ । बस चालकलाई प्रहरीले नियन्त्रणमा लिएको बताइएको हो ।
Discussion about this post