बाँके साउन ५ गते ।
बाँकेको नेपालगन्ज उपमहानगरपालिका वडा नम्बर १३ ले वडापालिकामा कार्यरत कर्मचारिलाई नगदसहित सम्मान गरेको छ ।
वडापालिकाको उदयपुर कार्यालयमा कार्यरत कम्प्युटर अपरेटर सन्जिला डिसि सहित १० जनालाई नगदसहित दोसल्ला ओढाई सम्मान गरेको हो ।
उदयपुर स्थित १३ नम्बर वडा कार्यालयमा रहेका कर्मचारीमध्ये उत्कृष्ट सेवा प्रदान गरेको र कार्यालयको गरिमा उच्च राख्ने गरि जनप्रतिनिधिलाई सहयोग गरेको मुल्याङ्कनका आधारमा कार्यालयले सम्मान गरेको हो ।
सम्मानित हुनेहरुमा कम्प्युटर अपरेटर डिसि सहित वडा सचिब रामकुमार पौडेल, लेखापाल उमेश् शाहि, ओभरसियर दिपक रोकाय, अमिन मिथलेस बर्मा, सहजकर्ता राधिका भट्टराई, हेल्पडेस्क गणेस पाण्डे, कार्यालय सहयोगी गंगाराम बृजबासी र दुई स्विपर गोपाल बाल्मिकि र फकिरे वाल्मीकि रहेका छन।
बिहीवार एक कार्यक्रम बिच वडा अध्यक्ष सुरेस सिंह ठाकुर वडा सदस्य दिलावर कबडिया लगायत जनप्रतिनिधीले कर्मचारीलाई सम्मान गरेका थिए ।
वडापालिकाले यसरी कर्मचारीलाई सम्मान गर्ने प्रचलनका कारण वडापालिकाका विभिन्न निकायमा काम गर्ने कर्मचारीमा हौसला बढ्नुका साथै जिम्मेवारीबोध तर्फ अझै इमान्दारीताका साथ नागरिकको सेवामा लाग्न उत्प्रेरणा समेत मिलेको सम्मानित कर्मचारीहरूले बताएका छन् ।
Discussion about this post