सरला सुबेदी
बाँके साउन २० गते ।
पहिले पहिलेको तुलनामा पछिल्लो समय सडक दुर्घटना दिनप्रतिदिन बढ्दै गैइरहेको दिनदिनै तपाईं हामीले सुन्न अनि देख्न पाएका छौ।
पहिले पहिले नेपालगन्ज कोहलपुर सडकखण्ड सानो र साघुरो थियो सवारीसाधन चालक अनि पैदल यात्रु सबै सचेत बनेर हिढ्ने गर्थे अहिले बाटो चौडा र फराकिलो बन्दै गएको छ तर पनि सवारीसाधन चालक अनि तपाईं हाम्रै लापरबाहीले दिनप्रतिदिन दुर्घटना निम्तिरहेको छ।
बढ्दो शहरीकरण र बढ्दो जनघनत्व लाई ख्यालमा राख्दै सवारी साधन संचालन र सडक निर्माणमा बृहतम अध्ययन अनुशन्धान गर्न सरोकारवाला लाई बाँके जिल्ला ट्राफिक प्रहरीका निरिक्षक हिमालय शाहले आग्रह गरेका छन् ।
उनले दिनप्रतिदिन हुने दुर्घटनामा ट्राफिकको मात्र भर परेर दुर्घटना कम गर्न नसकिने बताए ।नागरिक स्वयम् आफै सचेत र अनुशासित रहे ८०% दुर्घटनालाई न्यूनीकरण गर्न सकिने बताए।
बाँके जिल्लामा १ लाख ४१ हजार १ सय ८९ सवारी साधन निगरानी,नियन्त्रण सहज सवारी आवागमनको व्यवस्थापन गर्ने जिम्मा पाएको ट्राफिक प्रहरी सँग ६२ जनाको टिम मात्र छ । बाँके ट्राफिकमा २४ जनाको दरबन्दीवाला सहित हाल कार्यरत ६२ जना पनि ट्राफिक व्यवस्थापनको लागि अपुग भएको छ । ८१ वटा वडा र १ उपमहानगर १ नगर सहित ६ गाँउपालिका रहेको बाँके जिल्ला पश्चिममा सुदूरपश्चिम प्रदेश,उत्तरमा कर्णाली प्रदेश र दक्षिणमा भारतको उत्तरप्रदेश सँग जोडिएको छ ।
आर्थिक वर्ष २०७८/२०७९ मा सवारी दुर्घटनामा परि ५८ पुरुष,१४ महिला,६ बालक र ४ बालिका गरि ८२ जनाको मृत्यु,८९ जना गम्भिर घाईते,४८ जना सामान्य घाईते हुने गरि १ सय ५४ दुर्घटना भई मानविय क्षति सहित अनुमानित १ करोड ३० लाख १४ हजार ५ सय क्षति भएको छ । घटेका घटना लाई आधार बनाउदै बाँके ट्राफिक प्रहरी कार्यालयले ५ हजार ४ सय ३९ विद्यार्थी,सामुदायिक कक्षा संचालन ५ सय ६६,नयाँ सुरक्षित चालक २ सय ९८, व्यावसायिक चालक ८ हजार ९ सय १२,सर्वसाधरण ५ हजार ९ सय ४९,४७ वटा अन्तरकृया कार्यक्रम ३ सय ५२ पटक चेतनामुलक माईकिङ,यात्रु मैत्री चालक १ हजार ६ सय ५० र १ सय ४२ पटक पर्चापम्प्लेट वितरण गरेर २३ हजार ३ सय १६ पटक सचेतनाका कार्यक्रम सम्पन्न गरेको छ ।
आ.व ०७८/०७९मा ३ हजार ७ सय १ बस कारवाहीमा परि रु १७ लाख ४१ हजार ५ सय ,१६ हजार ६ सय ३१ ट्रक कारवाहीमा परि ७४ लाख १३ हजार ५सय,७ हजार ४ सय ३ जिप ,कार कारवाहीमा परि ३१ लाख ५२ हजार ५ सय,२ हजार ९ सय ४३ ट्याक्टर कारवाहीमा परि १२ लाख १५ हजार छ सय,८ हजार ७० मोटरसाईकल कारवाहीमा परि ३७ लाख ४२ हजार, ५सय २८ टेम्पो कारवाहीमा परि २ लाख २३ हजार रकम राजस्वमा दाखिला भएको छ । सवारी ऐन अनुसार ३९ हजार ८ सय ४४ सवारी साधन कारवाहीमा परि रु २ करोड २५ लाख ३७ हजार ५ सय राजस्व जम्मा भएको बाँके ट्राफिकले बताएको छ ।
यस वर्ष पनि कोहलपुर नगरपालिका,बैजनाथ गाँउपालिका र नेपालगञ्ज उपमहानगरपालिकाको सहयोगमा जनचेतना अभिवृद्धिका कार्यक्रमहरु गरिने बताईएको छ । बाँकेमा १२ वटा अस्थायी ट्राफिक प्रहरी पोष्ट मार्फत सडकमा सुरक्षाका लागि तैनाथ ट्राफिक प्रहरीले मुस्कान सहितको सेवा दिईरहेको समेत दावी गरेको छ ।
बाँके ट्राफिक प्रहरीका निरिक्षक हिमालयन शाहले बढ्दो शहरीकरण र बढ्दो जनघनत्व लाई ख्यालमा राख्दै सवारी साधन संचालन र सडक निर्माणमा बृहतम अध्ययन अनुसन्धान गर्न सरोकारवाला लाई आग्रह गरेका छन् । बाँके ट्राफिक प्रहरीले कोहलपुर नगरपालिकाको वडा नं १२ को चप्परगौडी देखि राप्ती सोनारीको ढकेरी हुदै शमशेरगञ्ज सम्मको सडकखण्ड लाई बढी दुर्घटना हुने सडक खण्डको रुपमा पहिचान गरेको छ ।
Discussion about this post