बाँके भदौ १५ गते ।
बाँकेको नरैनापुरबाट पेस्तोल र लोडेड बन्दुकसहित प्रहरीले एक जनालाई पक्राउ गरेको छ।
ईलाका प्रहरी कार्यालय भगवानपुरका प्रमुख प्रहरी निरीक्षक वीर बहादुर सुनारको सुनारको कमाण्डमा गएको टोलीले आज बिहान साढे ८ बजे नरैनापुर गाउँपालिका वडा नम्बर १ बानियाँ गाउँबाट एक–एक थान कटुवा पेस्तोल र लोडेड भरुवा बन्दुक , १०० ग्राम बारुद ,सिसा र फलामको गोलीसहित एक छब्बीलाल केवटलाई पक्राउ गरेको ईलाका प्रहरी भगवानपुरले जानकारी दिएको छ।
ईलाका प्रहरी कार्यालय भगवानपुरका अनुसार स्थानीय छब्बीलाल केवटको घरमा अवैध हातहतियार लुकाई राखिएको भन्ने गोप्य सूचनाका आधारमा गएको प्रहरी निरीक्षक सुनारको कमाण्डमा सँगै गएको प्रहरी चौकी लक्ष्मणपुरको टोलीले घरमा खानतलासी गर्दा उक्त हतियारहरु बरामद गरेको हो।
प्रहरीको प्रारम्भिक अनुसन्धानमा पक्राउ परेका केवट शिकारी रहेको हुन सक्ने बुझिएको छ। केवटसँग हातहतियार तथा खरखजाना मुद्दामा अनुसन्धान भईरहेको ईलाका प्रहरी भगवानपुरले जानकारी दिएको छ।
Discussion about this post