काठमाडौं भदौ २२ गते ।
सत्ता गठबन्धनको सिट बाँडफाँट कार्यदलको बैठक आज पनि बस्दै छ । हिजो बाँकी रहेका कामहरू सक्ने गरि आज साँझ ५ बजे प्रधानमन्त्री निवास बालुवाटारमा फेरि कार्यदलको बैठक बस्न लागेको हो ।
आजको कार्यदलले प्रतिवेदन तयार गरेर शीर्ष नेतृत्वलाई दिने सञ्चार मन्त्री ज्ञानेन्द्र कार्कीले हिजै बताएका थिए । उनका अनुसार कार्यदलले आजको बैठकले गठबन्धनका शीर्षस्थ नेतालाई प्रतिवेदन बुझाउने तयारी छ । हिजोको बैठकले कार्यदलमा सिट बाँडफाँटको विषयमा करिब करिब सहमति भइसकेको र लिपिबद्ध गर्न बाँकी रहेको उनको दाबी छ ।
करिब सिट बाँडफाँटको विषयमा सहमति भइसकेको कार्कीले दाबी गरे पनि अझै केही विषयमा छलफल हुन बाकी रहेको कार्यदलका एक सदस्यले जानकारी दिए ।
उनका अनुसार आज प्रदेश र संघकै सहमति सक्ने तयारी भइरहेको छ । तर, प्रदेशका विषयमा केही समस्या भएको हुँदा प्रतिनिधि सभाको मात्रै भए पनि टुङ्गिन सक्ने उनी बताउँछन् ।
Discussion about this post