दाङ भदौ २९ गते ।
दाङको भालुवाङलाई स्थायी राजधानी तोकिए पनि लुम्बिनीमा अझै प्रदेशसभा र मन्त्रालय बुटवलबाटै सञ्चालनमा रहेका छन् । मंसिरमा हुने निर्वाचन अघिनै प्रदेश सरकारले प्रदेश सभा स्थायी राजधानी दाङको भालुवाङमा सार्ने तयारी गरेको छ ।
तर अस्थायी राजधानी बुटवलमा रहेको प्रदेशसभा चुनाव अघि सार्न नदिने गरी चलखेल भइरहेको प्रदेश सभा सदस्य कृष्ण पाण्डेको भनाइ छ । आगामी निर्वाचनमा प्रदेश राजधानीलाई मुद्दाकारुपमा उठाउने तयारीमा दलहरु देखिन्छन् ।
मुख्य मन्त्री कुल प्रसाद केसी र पूर्व मुख्यमन्त्री शंकर पोख्रेल निर्वाचन अघि नै प्रदेश सभा दाङमा सार्ने कसरतमा हुनुहुन्छ भने गृहमन्त्री बालकृष्ण खाँण र एमाले नेता विष्णु पौडेलले भने निर्वाचन अघि सार्न नदिने अडानमा हुनुहुन्छ ।
बुटवललाई केन्द्रमा राखेर राजनीति गर्ने दल तथा ती क्षेत्रका नेतृत्वले चुनाव अघिसम्म प्रदेश राजधानीको बिषय पेचिलो नहोस् भन्ने चाहना राखेको देखिन्छ भने दाङलाई केन्द्रमा राखेर राजनीति गर्ने दल तथा नेताहरुले चुनाव अघि प्रदेश राजधानी भएकै स्थानमा प्रदेश सभा सार्ने पक्षमा रहेको देखिन्छ ।
Discussion about this post