बाँके भदौ ३१ गते ।
नेपालगन्ज भन्सार कार्यालयको नेतृत्व राजश्व असुलीमा असफल बन्दै गएको छ । जसको मारमा राज्य आफै परेको छ । नेपालगन्ज भन्सार कार्यालय आफ्नो लक्ष्य प्राप्तिमा निरन्तर रुपमा असफल भैरहेपछि नेतृत्वमाथि प्रश्न उठ्न थालेको छ ।
किन राजश्व घट्दै गएको छ ? माथिल्लो तहका अधिकारीहरुले प्रश्न गर्न थालेका छन् । अवैध रुपमा मालासमान भित्रिएको नियमित गुनासो बीच नेपालगन्ज भन्सारले केही महिनादेखि आफ्नो लक्ष्य प्राप्त गर्न सकेको छैन ।
अघिल्लो आ।व।मा आफ्नो बार्षिक लक्ष्य नभेटेको भन्सारको तथ्यांक हेर्ने हो भने पछिल्ला केही महिनादेखि निरन्तर मासिक लक्ष्य समेत प्राप्त गर्न सकेको छैन । भन्सार राजश्व असुलीमा गत बर्षको साउनमा लक्ष्यको १३१.४८ प्रतिशत भेटेको नेपालगन्ज भन्सारले चालु आर्थिक बर्षको साउनमा लक्ष्यको ७५. ७१ प्रतिशत मात्रै मात्रै असुली गर्न सफल भएको छ ।
नेपालगन्ज भन्सारले गत असारमा लक्ष्यको ७८. १० प्रतिशत, जेठमा लक्ष्यको ७७. ५४ प्रतिशत, बैशाखामा ७६।७६ प्रतिशत, चैत्रमा ७९.१६, फाल्गुनमा ८९.७४, माघमा ७७.३० प्रतिशत मात्रै लक्ष्य हासिल गरेको थियो । गत आ.व.मा मासिक लक्ष्य साउन र असोजमा मात्रै हासिल भएको थियो ।
गत आ.व.मा नेपालगन्ज भन्सारले आ.व. २०७८, ०७९ मा २५ करोड २१ लाख ६ लाख ६२ हजार रुपैयाँ लक्ष्य पाएकोमा २२ अर्ब ३१ करोड २६ लाख ६२ हजार रुपैयाँ भन्सार राजश्व असुल गरेको थियो । जुन लक्ष्यको ८८.५१ प्रतिशत हो । भन्सार राजश्व असुलीमा निरन्तर असफलता रहेपनि चालु आर्थिक बर्ष २०७९र८० का लागि अघिल्लो आ.व. २०७८,०७९ मा भन्दा चार अर्ब बढी लक्ष्य नेपालगन्ज भन्सारले पाएको छ ।
अघिल्लो आ. व. मा २५ अर्ब राजश्व असुलीमा असफल नेपालगन्ज भन्सारलाई थप चार अर्ब बढी थपेर चालु आ।व।का लागि लक्ष्य निर्धारण गरिएको हो । नेपालगन्ज भन्सारले चालु आ।व। २०७९, ०८० मा २९ अर्ब ३२ करोड ९५ लाख ३९ हजार लक्ष्य निधारण गरेको हो । अघिल्लो आ.व २०७८, ०७९ मा नेपालगन्ज भन्सारले २५ करोड २१ लाख ६ लाख ६२ हजार रुपैयाँ लक्ष्य पाएको थियो ।
Discussion about this post