सरला सुबेदी
बाँके कात्तिक १८ गते ।
पद पावर र पैसाकै भरमा चुनाव जितिन्छ भन्ने भ्रममा कोहि पनि नपरे हुने नेकपा एमाले बाँके क्षेत्र नम्बर १ का प्रतिनिधि सभा सदस्य पदका उम्मेदवार सुर्य ढकालले बताउनु भएको छ ।
आज राप्तिसोनारी वार्ड न ३ बैजापुरका विभिन्न टोलमा भएको जनभेलालाई सम्बोधन गर्दै आम मतदाता माझ उक्त कुरा बताउनु भएको हो ।
आफ्नो निर्वाचन क्षेत्रमा प्रतिनिधि सभा सदस्य पदका लागि अहिले भएको निर्वाचनको लडाई पुरानो अनुहार र नयाँ बिचार सहितको राजनितिक ब्यक्ति विचको लडाई भएकाले पद पावर र पैसाको भन्दा पनि त्यस्को निर्णायक जनता नै रहने बताउनु भएको छ । उहांले आफ्ना प्रतिद्वन्द्वी महेश्वर गहतराज अथक पुरानो अनुहार र मन्त्री हुँदा सम्म आफ्नो क्षेत्रमा खासै उपलब्धपुर्ण काम नगरेकोले चुनाव जित्न सक्ने कुनै आधार नभएकाले एमालेको बाहेक अरुको विकल्प नभएको बताउनु भयो।
राजनितिको नाममा काम भन्दा गफ दिने आफू खेलकुद मन्त्री हुँदा बाँके जिल्लामा खेलकुदको लागि एउटा पनि भलिबल बाड्न नसक्नेलाई भन्दा जिवनभरी नै राजनिति गरेका ब्यक्ति विच धेरै भिन्नता रहने भएकाले त्यस तर्फ नझुक्किन ढकालले मतदातालाई आग्रह गर्नुभयो ।
आफुले राजनिती गरिरहदा यस क्षेत्रको समग्र बिकासको लागि धेरै पटक बिकास र निकासको माग गर्दैवयोजना आयोगमा धाएको र धेरै योजना ल्याउन सफल भएको बताउदै ती योजनालाई पूरा गर्नको लागि सुर्य चिन्हमा मतदान गर्न अनुरोध गर्नुभयो। उहाँले आफु एउटा किसानको छोरा भएकाले किसानका समस्याहरु के छन र कसरी समाधान गर्न सकिन्छ ? भन्ने वारेमा आफुलाई राम्रोसंग थाहा भएकाले किसानको प्रतिनिधिका रुपमा आफुलाई सूर्य चिन्हमा छाप लागाएर विजयी गराउन आग्रह गर्नु भएको थियो ।
कार्यक्रममा नेकपा एमाले प्रदेश कमिटि सदस्य तथा जिल्ला कमिटी सदस्य लगाएतका नेताहरुले आफ्ना भनाईहरु राख्दै प्रतिनिधि सभामा सुर्य ढकाल र प्रदेश सभामा क मा नरेन्द्र पौडेल र ख मा दुर्गा प्रसाद चौधरी लाई विजयी गराउन आग्रह गर्नुभएको थियो ।
Discussion about this post