बाँके माघ २३ गते ।
बाँके र बर्दिया राष्ट्रिय निकुञ्जले जलचरहरूमध्ये सबैभन्दा सङ्कटापन्न सूचीमा रहेको घडियाल गोही संरक्षण गर्न थालेका छन् ।
दुर्लभ पाटेबाघ संरक्षणमा महत्वपूर्ण योगदान पु¥याएको बाँके राष्ट्रिय निकुञ्जले राप्ती नदीमा गोहीसँगै जलचरको सङ्ख्या वृद्धि गर्ने गरी पर्यावरण चक्र खलबलिन नदिने अभियान थालेको बाँके राष्ट्रिय निकुञ्जका प्रमुख श्याम कुमार साहले बताउनुभयो ।
जलचर विज्ञहरुले करिव तीन महिना लगाएर बाँकेको बासखोलीस्थित राप्ती नदी स्थलगत अध्ययन गर्दा यहाँको पानीसँगै बगर क्षेत्र, वातावरणीय दृष्टिले समेत घडियाल गोहीको उचित बासस्थान हुने निष्कर्ष निकालेको थियो ।
त्यही निष्कर्षका आधारमा बाँके र बर्दिया राष्ट्रिय निकुञ्जले सङ्कटापन्न सूचीमा रहेको घडियाल गोही संरक्षणको प्रयास थालेका हुन् । पहिलो चरणमा बर्दिया राष्ट्रिय निकुञ्जबाट २ वटा भाले र ८ वटा पोथी घडियाल गोही स्थानान्तरण गरी राप्ती नदीमा छाडिएको बर्दिया राष्ट्रिय निकुञ्जका प्रमुख अशोक भण्डारीले बताउनुभयो ।
सुरुमा घडियाल गोही चितवनबाट बर्दिया राष्ट्रिय निकुञ्ज ल्याइएको थियो । राप्तीनदीमा गोहीको संख्या घट्दै गएको बर्दियाबाट ल्याएर बाँकेमा पनि संंरक्षण गर्न थालिएको हो । राप्तीनदीको पानीमा प्रदूषण कम रहेको विज्ञहरु विज्ञहरु बताउछन् ।
स्वच्छ पानीमा बस्ने यो प्रजातिको मुख्या आहारा माछा हो । राप्ती नदीमा यि दुवै कुरा अनुकूल भएकाले घडियाल गोही संरक्षणको सम्भावना विज्ञहरुले देखेका छन् ।
Discussion about this post