काठमाडौं साउन १५ गते ।
पाकिस्तानको उत्तरपश्चिमी क्षेत्रस्थित बजौर जिल्लामा एक कट्टरपन्थी इस्लामिक जमीयत उलेमा–ए–इस्लाम (एफ) पार्टीको राजनीतिक भेलामा आइतवार भएको बम विस्फोटमा परी कम्तीमा ४४ जनाको मृत्यु हुनुका साथै दर्जनौं घाइते भएका छन् ।
भारतीय समाचार संस्था एएनआईका अनुसार घटनामा पार्टीका स्थानीय एक नेताको पनि मृत्यु भएको छ । प्रहरीले शुरूमा दिएको प्रारम्भिक जानकारीमा विस्फोटमा परी कम्तीमा १६ जनाको मृत्यु हुनुका साथै दर्जनौं घाइते भएका उल्लेख गरिएको थियो ।
खैबर पख्तुनख्वा प्रान्तका स्वास्थ्यमन्त्री रियाज अनवरले मृत्यु हुनेको संख्या बढेको जानकारी दिए । विस्फोटपछि अस्पतालमा लगिएकामध्ये ४४ जनाको मृत्यु भइसकेको छ भने १२३ जनाको घाइते अवस्थामा उपचार भइरहेको जनाइएको छ ।
प्रान्तीय गभर्नर हाजी गुलाम अलीले मृतकको संख्याको पछिल्लो विवरणलाई पुष्टि गर्दै सरकारले आक्रमणमा संलग्न व्यक्ति र समूहबारे गहन अनुसन्धान शुरू गरिसकेको बताए । एजेन्सी
Discussion about this post