काठमाडौं भदौ २६ गते ।
काठमाडौंमा हत्या गरेको आरोपमा ७२ वर्षीय वृद्धलाई प्रहरीले पक्राउ गरेको छ ।
प्रहरीका अनुसार मकवानपुर हेटौंडा उपमहानगरपालिका घर भई काठमाडौं महानगरपालिका–८ गौशला बनकालीस्थित मानव सेवा कल्याण आश्रममा बस्ने ७२ वर्षीय जगतबहादुर तामाङ पक्राउ परेका हुन्।
प्रहरी वृत गौशलाबाट खटिएको टोलीले उनलाई सोमबार साँझ पक्राउ गरेको हो।
उनले मकवानपुर भिमफेदी गाउँपालिका–४ घर भएका ५० वर्षीय अमरराज पुडासैनीलाई इँटा प्रहार गरी हत्या गरेको आरोपमा पक्राउ गरिएको प्रहरीले जनाएको छ ।
यस घटनामा प्रहरीले थप अनुसन्धान गरिरहेको छ।
ADVERTISEMENT
Discussion about this post