बाँके कात्तिक २३ गते ।
भारतले जाजरकोट र पश्चिम रुकुमका भूकम्प पीडितका लागि आपतकालिन राहत सामग्री तेस्रो पटक नेपालगन्ज ल्याएको छ । भारतले विशेष सैनिक विमानबाट भूकम्प पीडितका लागि तेस्रो पटक नेपालगन्ज ल्याएको बाँकेका प्रमुख जिल्ला अधिकारी श्रवणकुमार पोखरेलले जानकारी दिए ।
तेस्रो खेपमा आएको राहत सामग्री भारतीय दुतावासका प्रथम सचिव नविन कुमारले बाँकेका प्रमुख जिल्ला अधिकारीलाई हस्तान्तरण गरेका छन् । ‘भारत सरकारले तेस्रो पटक पठाएको आपतकालिन राहत सामग्री विहीवार बेलुका नेपालगन्ज विमानस्थलमा आई पुगेको छ,’ उनले भने, ‘प्राप्त भएको राहत सामग्री बाँके प्रशासनमा जम्मा भएको राहत सामग्री जाजरकोट र रुकुम पश्चिममा विहीवार रातीसम्म पठाउने योजना छ ।’
प्रजिअ पोखरेलका अनुसार भारतले तेस्रो खेपमा २४ थान ठूलो टेन्ट, १२ थान फिटिङ्स टेन्ट, २९ सय थान स्लिपिङ ब्याग, २८ सय थान ब्ल्याङक्ेट, ६० थान सानो खालको टेन्ट, ६० थान फिटिङ्स, सय किलो मेडिकल सप्लाई पठाएको छ ।
त्रिपाल, टारपोलिन सिट, कम्बल, स्लीपिङ्ग ब्याग, अत्यावश्यक औषधी र चिकित्सा उपकरण सहितको ११ टन भन्दा बढी आपतकालीन राहत सामग्रीको पहिलो खेप पठाएको भारतीय राजदुतावासले जनाएको छ ।
राहत सामग्रीमा ६ सय २५ थान प्लास्टिक टारपोलिन र त्रिपाल छन् ।
त्यसैगरी, एक हजार थान स्लिपिङ ब्याग, एक हजार थान कम्वल, ठूलो साइजको टेन्ट ७० थान, टेन्टको एसेसरिज ३५ प्याकेट, औषधि तथा ४८ प्रकारका अन्य सामग्री रहेको भारतीय दुतावासले जनाएको छ ।
Discussion about this post