बाँके मंसिर २४ गते ।
नेपाल प्रहरीले डुडुवा गाउँपालिका ६ मुन्सिपुर्वाबाट नियन्त्रणमा लिएर नेपालगन्ज भन्सार कार्यालयमा बुझाएको चार मध्ये दुई वटा राँगा शनिवार राती सशस्त्र प्रहरी वल भन्सार सुरक्षा कार्यालयको गेटबाट गायव भएका छन् ।
भारतबाट अवैधरुपमा भित्र्याएका ४ वटा राँगा बाँके प्रहरीले पक्राउ गरेको थियो । जिल्ला प्रहरी कार्यालयबाट खटेको प्रहरीले टोलीले नियन्त्रणमा लिएर भन्सार गराउन पठाएको चार मध्ये दुई वटा राँगा भन्सार कार्यालय भित्र रहेको सशस्त्र प्रहरीको कार्यालय अगाडीबाट गायव भएका हुन् ।
नेपाल प्रहरीले भन्सार कार्यालयमा बुझाएको राँगा सशस्त्र प्रहरीको १५ मिटर टाढा बाधिएका थिए । तर, ती राँगा रातारात गायव भएपछि यसमा सशस्त्र प्रहरीको मिलेमतोमा ति राँगा गायव भएको स्पष्ट भएको छ । ‘आँखा अगाडीबाट राँगा कसरी गायव भए । बहुत तनाव भएको छ । सिसि क्यामेराको फुटेज हेर्ने काम भइरहेको छ,’ सशस्त्र प्रहरी वल भन्सार सुरक्षा कार्यालयका एक जुनियर अधिकृतले भने, ‘आँखै अगाडीबाट दुई वटा राँखा कसरी हराए ? छानविन भइरहेको छ ।’
ति सशस्त्र प्रहरीका जुनियर अधिकृतले पनि तस्करसँग मिलेर सशस्त्र प्रहरीले नै राँगा गायव भएको बताए । ‘आँखाले देख्न र हेर्न सकिने ठाउँमा बाँधिएका राँगा जोसुकैले गायव बनाउन सक्ने अवस्था नहुँदा पनि कसरी गायव भए । यो खोजीको विषय हो,’ ति अधिकृतले भने ।
भन्सार कार्यालयबाट राँगा गायव हुनु नौलो कुरा भए पनि सशस्त्र प्रहरीकै मिलेमतोमा बरामद भएका लाखौँ रुपैयाँका सामान भन्सार कार्यालयबाट गायव हुने गरेको छ ।
सशस्त्र प्रहरीले भन्सार कार्यालयमा दाखिला नगरि लाखौँ रुपैयाँका अवैध सामान तस्करसँग मिलेर गायव बनाउँदै आएको खुलेको छ ।
उक्त राँगा भारतबाट तस्करी गरि ल्याइएका थिए । भारतबाट सस्तोमा ल्याएर तस्करले यहाँ महंगोमा विक्रि गर्दै आएका छन् । सशस्त्र प्रहरीको मिलेमतोमा भित्रिएका ति राँगा झण्डै एक लाख ४० हजार मुल्यका छन् ।
राँगा नियन्त्रणमा लिन सफल भए पनि तस्कर फरार भएका थिए । सशस्त्र प्रहरीले प्रहरी आएको सूचना दिएकै कारण तस्कहहरु भाग्न सफल भएका हुन् ।
Discussion about this post