बाँके पुस ६ गते ।
भारतको हैदराबादमा भएको दसौँ वल्र्ड स्ट्रेन्थ लिफ्टिङ विश्व च्याम्पियनशिपमा स्वर्ण पदक जितेका नेपालगन्जका डा. प्रतिक श्रेष्ठ र रजत पदक विजेता सन्तोषकाजी शाक्य एवम् नेपालगन्जबाट खेलमा सहभागीलाई नेपालगन्जको जमुनाहमा स्वागत गरिएको छ । स्वागतका लागि नेपालगन्जबाट बाजागाजासहितको टोली जमुनाह पुगेको थियो ।
नेपालगन्जका डा. श्रेष्ठले स्वर्ण पदक जितेका छन् । १८–२२ डिसेम्वर, २०२३ सम्म भएको प्रतियोगितामा उनी ९५ किलो तौल पुरुष सिनियरतर्फ प्रतिष्पर्धामा स्वर्ण जितेका हुन् ।
उनले नगद सहित शिल्ड, मेडल र प्रमाणपत्र पाएका छन् । डा. श्रेष्ठ दन्त चिकित्सक हुन् ।
त्यसैगरी, नेपालगन्जकै सन्तोषकाजी शाक्यले रजत पदक जितेका छन् । उनले ७६ किलो तौल पुरुष मास्टर वानतर्फ रजत पदक जितेका हुन् । उनले पनि नगदसहित शिल्ड, मेडल र प्रमाणपत्र पाएका छन् ।
प्रतियोगितामा नेपालका ४५ जनाले सहभागिता जनाएका थिए । ति मध्ये १६ स्वर्ण, १४ रजत र चार कास्य पदक जितेको स्वर्ण पदक विजेता डा. श्रेष्ठले जानकारी दिए । नेपालगन्जबाट पाँच जना सहभागी भएकोमा दुई जना खेलाडीले पदक जितेको उनले बताए ।
दसौँ वल्र्ड स्ट्रेन्थ लिफ्टिङ विश्व च्याम्पियनशिपमा स्वर्ण पदक जितेका नेपालगन्जका डा. श्रेष्ठ र रजत पदक विजेता शाक्य एवम् नेपालगन्जबाट खेलमा सहभागीलाई नेपालगन्जको जमुनाहमा स्वागत गरिएको छ । स्वागतका लागि नेपालगन्जबाट बाजागाजासहितको टोली जमुनाह पुगेको थियो ।
दसौँ वल्र्ड स्ट्रेन्थ लिफ्टिङ विश्व च्याम्पियनशिपमा पदक जितेर खेलाडीले नेपालगन्ज र नेपालको नाम विश्वभर फैलाएको नेपालगन्जका अशोक श्रेष्ठले बताए । उनले खेलले एउटा क्षेत्रको मात्र नभई सिंगो देशको इज्जत जोगाउने गरेको धारणा राखे ।
Discussion about this post