बाँके पुस २९ गते ।
भोलिको माघे सङ्क्रान्तिका लागि कन्दमूल जात तरुल, पिँडालु, सखरखण्डलगायत किन्नेको कोहलपुरमा भिड लागेको छ ।
विशेषगरी कोहलपुरमा रहेको कृषि हाटबजारमा तरुललगायतका कन्दमूलको कारोबार बढेको छ । त्यस्तै, नेपालगन्जको रानितलाउमा पनि व्यापारीलाई सखरखण्ड , तरुल, तिलको लड्डु भुजाको लड्नु बेच्न निकै चटारो छ ।
माघे सङ्क्रान्तिलाई लक्षित गरेर व्यापारीले बाँके बर्दिया लगायत पहाडि जिल्लाहरूबाट बजारमा तरुल भित्र्याइरहेका छन् ।
बाँकेको बजारमा अहिले पहाडि जिल्ला र तराईबाट आउने घर–तरुल, हात्तीपाइले तरुल, सिमल तरुल, वन तरुल, पतालेतरुलको माग बढेको कृषि हाट बजारसमिति व्यवस्थापन चित्रा पाठकले जानकारी दिनुभएको छ ।
समितिका अनुसार बाँकेमा मुख्य गरि बाँकेको राप्तीसोनारी, बर्दिया , रोल्पा , सल्यान , सुर्खेत , प्युठान तरुल भित्रिने गरेको छ ।
आज तरूलको भाउ रातो २सय सेतो १सय र बन तरुल ५ सय रुपैया किलोमा बिक्रि भएको सल्यान कालिमाटीबाट कोहलपुर आउनु भएकि नैनकला बुढाले बताउनु भएको छ । भने सखरखण्डा प्रतिकेजी सय रुपैयाँमा बिक्रि भैइरहेको छ।
Discussion about this post