बाँके जेठ ३१ गते ।
बाँकेको सामुदायिक वनमा लुपाइछिापाइ राखेको अवस्थामा एक थान बेवारिसे भरुवा बन्दुक फेला परेको छ । जिल्लाको राप्तीसोनारी गाउँपालिका –५ स्थित सिद्देश्वरी सामुदायिक वन उपभोक्ता समुह र सुनखोली सामुदायिक वन उपभोक्ता समूहको सिमानाबाट बेवारिसे अवस्थामा एक थान भरुवा बन्दुक फेला परेको हो ।
इलाका प्रहरी कार्यालय बैजापुरका प्रमुख प्रहरी नायब निरीक्षक भद्रसिंह वलीले सिद्देश्वरी सामुदायिक वन उपभोक्ता समुह र सुनखोली सामुदायिक वन उपभोक्ता समुहको सिमानास्थित कुसुमको रुखबाट बिहीबार बिहान बेवारिसे अवस्थामा एक थान एकनाले भरुवा बन्दुक बरामद गरिएको बताए ।
स्थानीयले सो बन्दुक त्यहाँ रहेको जानकारी दिएपछि प्रहरी घटनास्थल पुग्दा कुसुमको रुखको हाँगामा बानेर राखेको अवस्थामा लोड नगरिएको खाली बेवारिसे बन्दुक फेला पारेको उनले जानकारी दिए । प्रनानि वलीले जङ्गली जनावर चोरी शिकारी गर्ने उद्देश्यले कसैले उक्त रुखको हाँगामा बाँधेर राखेको हुनसक्ने बताए ।
प्रहरीले केही समय पहिले पनि सिद्धेश्वरी सामुदायिक वन उपभोक्ता समूहकै जङ्गल क्षेत्रमा लुकाएर राखेको अवस्थामा एक थान भरुवा बन्दुक बरामद गरेको थियो ।
Discussion about this post