खड्क सुनार मुगु कार्तिक २० गते ।
जिल्ला प्रहरी कार्यालय मुगुले बालबिबाह न्यूनीकरणको अभियान सञ्चालन गरेको छ । जिल्ला भित्रका बिभिन्न गतिबिधिहरु सञ्चालन गरेको प्रहरीले बालबिबाह न्यूनिकरण गर्न जिल्ला स्तरीय पुरोहित तथा ब्रामणहरुको प्रशिक्षण कार्यक्रम सम्पन्न गरेको छ ।
शारीरिक,मानसिक,मनोबैज्ञानिक तथा प्रजनन स्वास्थ्य सम्बन्धी असर, बालविवाह सम्बन्धी कानुनी व्यावस्था, शिक्षा , स्वास्थ्य , रोजगारी पारिवारीक कलह तथा देश बिकासमा पर्ने असरहरु, बालविवाहबाट निम्तिने अन्य अपराधहरु,बोक्सीको आरोप तथा कानुनी ब्यावस्था, जातिय छुवाछुत र भेदभाब तथा कानुनी ब्यवस्था सम्बन्धी विविध कुरामा असर पुग्ने जिल्ला प्रहरी कार्यालय मुगुले जनाएको छ ।
समाजमा बढ्दै गएको बालबिबाहलाई न्यूनिकरण गर्ने उद्धेश्यले कार्यक्रमको आयोजना गरिएको हो । बालबिबाह कानुनी रुपमा अपराध हो भन्ने मुल नाराका साथ सञ्चालन गरिएको एक दिने जानकारी मुलक अन्र्त्क्रिया कार्यक्रममा जिल्ला भरीका पुरोहित तथा ब्रामणका साथै सरोकारवालाहरुको सहभागिता रहेको थियो ।
चेतनाको अभाव, सहि सूचनाको अभाव, विद्यालय पहँुचको अभाव, यातायात सवारी साधन बाट टाढा , किशोरीका लागि सुरक्षाको अभाव तथा सामाजिक वहिस्कार जस्ता पक्षहरुले गर्दा वालविवाह भइरहेको जिप्रकाले जनाएको छ ।
कार्यक्रममा बोल्दै जिल्ला प्रहरी कार्यालय मुगुका प्रहरी नायव उपरिक्षक भुवनेश्वर प्रसाद शाहले बालविवाहका कारण परिवारमा बेमेल हुनुका साथै सामाजमा हिंसाका घटनाहरु पनि बढ्दै गएकाले त्यसलाई कम गर्न जिल्ला प्रहरी कार्यालय मुगुले बिषेश अभियान सञ्चालन गरेको बताए । उहाँले नगरपालिकाले अगाडी बढाएको यो अभियानले बालबिबाह न्यूनिकरण र हिंसा कम गर्न मद्धत गर्ने बिश्वास ब्यक्त गर्नुभयो ।
हरेक हिंसाले समाजमा कसैको पनि भलो नगर्ने डिएसपि शाहको भनाई छ । उनले बिकास भनेको बाटो खोल्नु मात्रै नभई मानबिय बिकास गर्ने प्रमुख कार्य रहेको बताउनुभयो । त्यस्तै कार्यक्रममा बोल्दै जिल्ला प्रशासन कार्यालय मुगुका प्रमुख जिल्ला अधिकारी जयकुमार घिमिरेले बालबिबाह अहिलेको प्रमुख समस्या भएको र यसलाई न्यूनिकरण गर्नको लागि सबैको साथ र सहयोग आवश्यक रहेको बताए । वालविवाहले वालवालिकाको अधिकार हनन् हुने भएकाले वालविवाह न्यूनिकरणमा सवैको ध्यान जानुपर्ने उनको भनाई छ ।
वालविवाहले वालवालिकाको शारीरीक, मानसिक र संवेगात्मक विकासमा असर पु¥याउने र यसको दिर्घकालिन असर वालवालिकाको व्यक्तित्व र समाजमा तथा देशविकासमा समेत पर्ने भएकाले यसको अन्त्यका लागि सवै एक हुनुपर्नेमा उनको जोड रहेको छ । कार्यक्रममा सहभागिता पुरोहित तथा ब्रामणहरुले अब बिबाह गराउदा बेहुला बेहुली दुबैँको नागरिकता वा जन्मदर्ता हेरेर मात्रै बिबाह गराउने प्रतिबद्धता जनाएका छन् ।
Discussion about this post