खड्क सुनार मुगु कार्तिक २१ गते । नेपाली भूमिलाई भारतले आफ्नो देशको नक्सामा गाभेको भन्दै मुगुमा पनि प्रदर्शन गरिएको छ । सरकारले कुटनीतिक रुपमा मिचिएका भूमि फिर्ता गर्नुपर्ने प्रदर्शनकारीले माग गरेका छन । बिहीबार अपरान्ह ४ बजेतिर स्वस्फूर्त रुपमा विरोध प्रदर्शन गरिएको हो । मुगुका स्वतन्त्र विद्यार्थी युनियन अनेरास्ववियु मुगुले व्यानर सहित पत्रकार, विद्यार्थी , उद्योगी व्यवसायी, बुद्धिजीवि युवा युवतिले विरोध प्रदर्शन गरेका हुन् ।
नेपाली भूमिमाथिको हस्तक्षेप विरुद्धको प्रदर्शनमा ’गो व्याक इन्डिय’ को नारा समेत लगाएका थिए । लिपुलेक, लिम्पियाधुरा र कालापानी हाम्रै हो भन्दै प्रदर्शनकारीले भारतबाट मिचिएका सबै सिमाना निर्धारण गरी काँडे तारबार लगाउन समेत माग गरेका हुन् ।
सीमा हस्तक्षेप हुँदै आएपनि भारतले नक्सामै नेपालीभूमि समेट्नु सार्वभौम राष्ट्रमाथिको ठाडो हस्तक्षेप भएको स्वतन्त्र विद्यार्थी युनियन संघका अध्यक्ष चन्द्र प्रकास मल्लले बताए । जिल्लाको सदरमुकाम गमगढी बजारको कृष्ण चोकबाट निस्किएको नागरिक अगुवाहरुको विरोध प्रदर्शन मुख्य बजार हुँदै अदालत चोक , न्युरोड हुदै पुन पनि कृष्ण चोक पुगि कोण सभा गरिएको थियो ।
Discussion about this post