बाँके असोज २५ गते ।
नेपालगञ्ज उपमहानगरपालिका वडा नम्बर १८ का वडा अध्यक्ष दिपक वर्माले आफ्नो जन्मदिनको अवसरमा नेपालगन्जस्थित मानव सेवा आश्रममा सहयोग गरेका छन् । उक्त मानव सेवा आश्रममा सहाराबिहिन ब्यक्तिहरुलाई आश्रय दिइएको छ ।
मानव सेवा आश्रममा वर्माले ५६ थान मध्यम खाले ब्ल्यान्केट सहयोग गरेका छन् । आफ्नो जन्मदिनको अवसरमा ब्ल्यान्केट सहयोग गर्दै वडा अध्यक्ष वर्माले चिसोमा केही हदसम्म जेष्ठ तथा बेसहारा नागरिकलाई सहज होस् भन्ने उद्देश्यले सहयोग गरिएको बताए ।
त्यसैगरी उनले आज बिहान आश्रमका सबै जनालाई बिहानको खाना खुवाएका थिए । वर्माको सहयोगपछि आश्रमका नागरिकहरुले खुसी व्यक्त गरेका थिए । वडा अध्यक्षमा निर्वाचित वर्माको यो दोस्रो कार्यकाल हो । आफ्नो वडामा समाजसेवीको छवि बनाएका वडा अध्यक्ष वर्माले विकास निर्माणका कामसंगै सामाजिक र मानवीय सहयोग पनि गर्दै आएका छन् ।
नेकपा एमालेबाट निर्वाचित वडा अध्यक्ष वर्मा नेकपा एमाले बाँकेका निवर्तमान उप–सचिव पनि हुन् । उनले दशैंको शुभकामना पनि दिएका छन् । यस्ता चाडपर्वलाई सामाजिक सद्भाव र एकताको सन्देश दिनेगरी मनाउन आग्रह गरेका छन् ।
Discussion about this post