बढैयातालमा आजदेखि पर्यटन महोत्सव

बर्दिया माघ १५ गते ।
बर्दिया बढैयाताल गाउपालिकामा रहेको बढैयातालमा आज मंगलवारदेखि थारु संस्कृति, कृषि तथा पर्यटन महोत्सव हुने भएको छ । महोत्सव २५ गतेसम्म चल्नेछ । थारु समूदायको नयाँ वर्षको अवसर पारेर थारु कल्याणकारीसभाले महोत्सवको आयोजना गरेको हो ।

थारु कल्याणकारीसभा बढैयातालका संयोजक शंकरप्रसाद थारुले महोत्सवको सम्पूर्ण तयारी भइसकेको जानकारी दिए । महोत्सवमा थारु संस्कृति झल्कने कला, थारु समुदायको खानाको परिकारलगायत गीत, नृत्य हुने आयोजकले जनाएको छ । बढैयाताल पर्यटकीय गन्तव्य भएकोले यस्को प्रचार प्रसारमा थप टेवा मिल्ने उनले बताए ।

महोत्सवमा रमाइलो मेला, थारु संस्कृति झल्कने कार्यक्रम, राष्ट्रिय र स्थानीय कलाकारको सहभागिता हुने आयोजकले जनाएको छ । घरेलु उद्योगका सामग्रीलगायत कृषि, माछा र उद्योगमा आधारित वस्तु पनि राखिने भएको छ ।

ADVERTISEMENT