बाँके बैशाख १४ गते ।
लागु औषध ब्राउनसुगरसहित बाँके प्रहरीले एकजना महिलालाई पक्राउ गरेको छ । भारतको रुपइडिहाबाट आउँदै गरेकी नेपालगन्ज उपमहानगरपालिका १३ की ३४ वर्षीया पुष्पा लोनियालाई १९ ग्राम २ मिलिग्राम ब्राउन सुगरसहित पक्राउ गरिएको बाँके प्रहरी प्रवक्ता डिएसपी दीपक पातलीले जानकारी दिए ।
भारतको रुपइडिहाबाट नेपालगन्ज तर्फ आउँदै गरेकी लोनिया माथि शंका लागेर उनले बोकेको लेडिज ब्याग खानतलासी गर्दा ब्राउनसुगर फेला परेको उनको भनाई छ ।
बाँके प्रहरी पछिल्लो समय लागु औषध नियन्त्रण गर्न अभियान थालेको छ । लागु औषध नियन्त्रणका लागि अभियान थालेको प्रहरीले रुपइडिहाबाट आउने र जाने माथि निगरानी बढाएको बाँके प्रहरी प्रवक्ता डिएसपी दीपक पातलीले बताए । उनले सादा पोशाकमा नाकामा प्रहरी परिचालन गरि निगरानी बढाएको बताए ।
ADVERTISEMENT
Discussion about this post