बाँके जेठ २७ गते ।
पछिल्लो समय बाँकेमा अत्याधिक गर्मी बढेपछि पालिकाहरुले गर्मी विदा दिन थालेका छन् । कोहलपुर नगरपालिकाले मंगलवार एक सुचना प्रकाशित गर्दै भोली २८ गतेदेखि लागु हुनेगरि ३० गते सम्मलाई विदा दिएको छ । ३० गते सम्म विदा दिएपनि ३१ गते शनिवार भएकाले समष्ठिगत रुपमा कोहलपुर नगरले पनि ४ दिन गर्मी विदा दिएको हो ।
कोहलपुरका नगर शिक्षा शाखाका उपसचिव राम वहादुर हमालले २७ गतेको निर्णय भन्दै सवै विद्यालयहरुलाई पत्राचार गरेपछि भोली २८ गतेदेखि कोहलपुर नगर क्षेत्रमा सञ्चालित संस्थागत तथा सामुदायिक विद्यालयहरु ४ दिन वन्द हुने जानकारी दिए । शैक्षिक संस्था वन्द भएपनि अन्य सरकारी तथा गैर सरकारी कार्यालयहरु भने खुल्ला रहने कोहलपुर नगरपालिकाले जनाएको छ ।
यस्तै बाँकेको बैजनाथ गाउँपालिकाले अत्यधिक गर्मी बढेपछि विद्यालयहरुमा गर्मी विदा दिएको छ । गर्मी अत्याधिक बढेर पठनपाठनमा समस्या भएपछि बैजनाथ गाउँपालिकाले जेठ २७ गतेदेखि जेठ ३० गतेसम्म ४ दिन विदा दिएको हो ।
बाँकेमा ४० डिग्रि भन्दा बढि तापक्रम पुगेपछि जनजिवन समेत प्रभावित भएको छ । दैनिक ज्याला मजदुर गरेर खाने श्रमिक वर्ग यसवाट थप समस्यामा परेका छन् ।
Discussion about this post