शाहरी विकास मन्त्री मोहम्मद इस्तियाक राईको संसदीय कोषबाट दश-दश लाख
बाँके मंसिर २ गते ।
नेपालगञ्ज उपमहानगरपालिका वडा नम्बर १८ लग्दहवा स्थित सुन्नी कादरी मस्जिद र शिव मन्दिर धर्मशाला निर्माणको लागि आज सोमबार उपभोक्ता समिति गठन भएको छ ।
मस्जिद निर्माण समितीको अध्यक्ष अब्दुल गनिको अध्यक्षतामा ७ जना कार्ययोजना उपभोक्ता समिति गठन गरिएको छ । जस समिती अन्तर्गत सचीव मो. जाफर दर्जी, कोषाअध्यक्ष तनिसा बेहना र सदस्यमा कलिम साई, वलिद्दिन साई, बुधन बेहना लाई चयन गरीएको हो ।
यसै गरी सो स्थानमै रहेकको शिव मन्दिर धर्मशाला निर्माणको लागि राजेन्द्र वर्माको अध्यक्षतामा ७ सदस्यीय उपभोक्ता समिति गठन भएको समाजवादी पार्टी बाँकेका जिल्ला कार्य समितीका उपाध्यक्ष राजन राना मगर ले जानकारी दिए ।
शहरी बिकास मन्त्री मोहम्मद इस्तियाक राईको संसदीय कोषबाट मस्जिद र मन्दिर धर्मशाला निर्माणका लागि दश- दश लाख रुपैयाँ छुट्टाइएको छ, भने दुवै समितिले आगामी माघ मसान्तसम्म निर्माण सम्पन्न गरिने समेत समाजवादी पार्टी बाँकेका उपाध्यक्ष राना मगर ले बताए ।
Discussion about this post