बाँके कात्तिक ३० गते ।
शनिबार सामान्यतयाः सार्वजनिक विदाको दिन। तर बाँकेको जिल्ला प्रशासन कार्यालयमा भने त्यो दिन छुट्टी होइन—भीड, कागजको खटर–मटर, नाम दर्ताको आवाज र सेवाग्राहीको अपेक्षाले भरियो ।
कात्तिक २९ गते प्रशासन कार्यालयले शनिबार पनि राष्ट्रिय परिचयपत्र सेवा दिन थालेपछि बाँकेका नागरिकका लागि यो कार्यालय खुसी थपेको छ। बिहानैदेखि लाइनमा उभिएका युवादेखि छडी टेक्दैआएका वृद्धसम्म सबैको हातमा एउटै कागज—नागरिकताको फोटोकोपी र फारम। त्यो भीडको बीचमा प्रमुख जिल्ला अधिकारी दिल कुमार तामाङको अनुहारमा भने अलिक सहजता देखिन्थ्यो। “दैनिक चाप असाध्यै बढेको छ,” उनी भन्छन्, “नागरिकको आवश्यकतालाई बुझेर शनिबार पनि सेवा खोलिदियौँ।
कम्तीमा हप्तामा एक दिन समय मिलाउन नसक्नेहरूलाई यसले ठूलो राहत दिएको छ।” शनिबार, जुन दिन कार्यालयका अधिकांश कुर्सी खाली रहने गर्थे, त्यही दिन १५५ जनाले राष्ट्रिय परिचयपत्र सेवा प्राप्त गरे। शनिबारको सेवा सुरु गर्नु समाधानको अन्तिम बिन्दु होइन, एउटा थालनी मात्र हो—भीड व्यवस्थापन अझै चुनौतीपूर्ण छ।
Discussion about this post