काठमाडौं चैत ५ गते ।
निर्वाचन आयोग नेपालले गत फागुन २१ गते सम्पन्न प्रतिनिधि सभा सदस्य निर्वाचन २०८२ को प्रतिवेदन राष्ट्रपति रामचन्द्र पौडेलसमक्ष पेश गरेको छ।
राष्ट्रपति भवन शीतल निवासमा बिहीबार आयोजित कार्यक्रममा आयोगका कार्यवाहक प्रमुख आयुक्त रामप्रसाद भण्डारीले उक्त प्रतिवेदन हस्तान्तरण गरेका हुन्।
सो अवसरमा राष्ट्रपति पौडेलले जटिल र चुनौतीपूर्ण परिस्थितिका बीच पनि निर्वाचन सफलतापूर्वक सम्पन्न भएकोमा सन्तोष व्यक्त गरे। उनले निर्वाचन सम्पन्न गराउन योगदान गर्ने निर्वाचन आयोग, राष्ट्रसेवक कर्मचारी तथा सम्बद्ध सबै पक्षप्रति धन्यवाद व्यक्त गरे।
राष्ट्रपतिले प्रतिनिधि सभा सदस्य निर्वाचन स्वतन्त्र, निष्पक्ष र भयरहित वातावरणमा सम्पन्न भएको उल्लेख गर्दै आयोगले आफ्नो जिम्मेवारी प्रभावकारी रूपमा निर्वाह गरेको बताए। उनले यस प्रक्रियाले निर्वाचन प्रणालीप्रति नागरिकको विश्वास अभिवृद्धि भई लोकतन्त्र थप सुदृढ भएको अनुभव व्यक्त गरे।
Discussion about this post