रूपन्देही वैशाख २२ गते ।
जिल्ला प्रहरी कार्यालय रूपन्देहीले करिब ४३ लाख २१ हजार ५ सय रुपैयाँ मूल्य बराबरको अवैध हुक्का भेपसहित एक जनालाई नियन्त्रणमा लिएको छ ।
जिल्ला प्रहरी कार्यालय रूपन्देहीका सूचना अधिकारी प्रहरी नायब उपरीक्षक कृष्णकुमार चन्दका अनुसार बुटवल उपमहानगरपालिका–कालिकानगरस्थित एक गोदामबाट पिङ्कु जयसवाललाई हुक्का भेपसहित नियन्त्रणमा लिइएको हो ।
प्रहरीका अनुसार बरामद गरिएका सामग्रीमा हुक्का भेप १५७ थान, हुक्कामा प्रयोग हुने कोइला १ हजार ४२२ थान, फ्लेवर ५५२ थान, हुक्का सेट १६० थान, हुक्का बेस ३३ थान, एयर बलर ४५ थान, पाइप ६ सय थान, प्लाउट १ सय थान, चिलिम ७ सय थान तथा हुक्का हिटर २२ थान रहेका छन् ।
नियन्त्रणमा लिइएका जयसवाल तथा बरामद सामग्री थप अनुसन्धान तथा आवश्यक कारबाहीका लागि भैरहवा भन्सार कार्यालय पठाइएको प्रहरीले जनाएको छ ।
ADVERTISEMENT
Discussion about this post