लक्ष्मी तिमिल्सेना बाँके मंसिर २५ गते ।
हिजो लैङ्गिक हिंसा विरुद्धको १६ दिने अभियानको अन्तिम दिन बाकेमा फूटबल प्रतियोगिताको आयोजना गरि मनाईएको छ । मुल समारोह समिती तथा नेपालगन्ज उपमहानगरपालिकाद्वारा आयोजित फुटबल प्रतियोगितामा पत्रकार महिला, सरकरी कर्मचारी तथा गैरसरकारी कर्मचारी र महिला जनप्रतिनिधिबिच खेल भएको थियो । पहिलो खेल पत्रकार महिला र महिला जनप्रतिनिधिबिच भएको थियो । जसमा पत्रकार २ गोलले बिजयी भयो । त्यस्तै दोस्रो खेल सरकारी र गैरसरकारी महिला कर्मचारीबिच भएको थियो । सरकारी महिला कर्मचारिले ४ गोलले गैरसरकारी महिला कर्मचारीलाई हराएको थियो ।
फाईनल खेल पत्रकार महिला र सरकारी महिला कर्मचारीबिच भएको थियो । जसमा सरकारी कर्मचारी महिलाले पत्रकार महिलालाई ५ गोलले पाखा लगाउदै जित हासिल गर्यो ।
खेलमा प्रथम सरकारी महिला कर्मचारी, द्वितीय पत्रकार महिला, तृतीय महिला जनप्रतिनिधि र सान्त्वना गैरसरकारी महिला कर्मचारीलाई ट्रफि र खेलमा सहभागी सम्पुर्णलाई प्रमाणपत्र प्रदान गरिएको थियो ।
Discussion about this post