खोजखबर संवाददाता
बाँके असार २३ गते । महिला र बालिका विरुद्ध हुने हिंसा अन्त्यका लागी गाउँ गाउँबाटै स्थानीय सरकारले प्रतिबद्धता जनाएको छ । महिला र बालिका विरुद्ध हुने हिंसा अन्त्यका लागी सचेतना फैलाउन सामाजिक सचेतन सरोकार मन्च (स्याक नेपाल ) र अक्सफाम नेपालको साझेदारीमा संचालन भएको महिला र बालिका विरुद्ध हुने हिंसा अन्त्यका लागी अभियान कार्यक्रम अन्तर्गत बाँके जिल्लाको राप्तीसोनारी गाउँ पालिकाको वडा नं.५,६ र ७ र डुडुवा गाउँपालिको वडा नं.१,२,४र५मा १७ वटा सामुदायिक छलफल केन्द्रको नेतृत्वमा र प्रहरी,शिक्षक,वडा कार्यालय,स्वास्थ्य स्वयमसेविका, सहजकर्ताहरुको सक्रियतामा कार्यक्रम सन्चालन भईरहेको स्याक नेपालका परियोजना संयोजक राम कुमारी चौधरीले जानकारी दिइन् ।
राप्तीसोनारी गाउँपालिकाको वडा नं. ५,को वडा अध्यक्ष झगरु थारुले हस्ताक्षर गर्दै महिला र बालिका माथि हुने हिंसा न्यूनिकरणको लागि गाउँ, टोल,समुदाय र ,सबै जना मिलेर अभियानमा सरिक हुुनु पर्नेमा जोड दिनुभयो ।
राप्ती सोनारी गाउँ पालिकाको वडा नं.७,को वडा सदस्य इलाही गद्धिले मधेशी तथा मुस्लिम समुदायका घर भित्रवाट वाहिर नआउने हिंसा प्रभावित तथा वालविवाह गर्ने महिलाहरु पनि महिलाहिंसा र वाल विवाहको वारेमा जानकारी राख्नु पर्नेमा जोड दिनुभयो । राप्ती सोनारी गाउँपालिकाको वडा नं.६ सिद्धेश्वर मा.वि.सिधनवाँका मा.वि. शिक्षक दिर्घराज बजगाईले घरदैलो हस्ताक्षर अभियान कार्यक्रम प्रभाबकारी बनाउनु पर्ने र स्थानिय सरकार तथा सरोकारवालासँग मिलेर वाल विवाह र महिला हिंसा गर्नेलाई गाउँपालिकाले नीति बनाउनु पर्ने बताउनुभयो । साथै यदि कसैले उमेर नपुगेर वाल विवाह गरेमा छात्रबृतिबाट बंचित गराउने र वडा कार्यालयले विवाह दर्ता नगरी दिने भएमा वाल विवाह र महिला हिंसा कम हुने बताउनु भयो । डुडुवा गाउँपालिकाको वडा नं.१ का प्रहरी निरिक्षक राजेन्द्र नेपालीले घरदैलो हस्ताक्षर गर्दै महिला हिँसा कम गराउनको लागी कम उमेरमा विवाह गर्न बाट रोक्ने र जाड रक्सीको रोकथाम गरेपछि हिंसा कम गर्न सकिन्छ भनेर बताउनु भयो ।
४५ वटा सामुदायिक छलफलको नेतृत्वमा तथा प्रहरी ,शिक्षक, स्वास्थ्य स्वयम सेविका,सहजकर्ता,वडा कार्यालय, सामाजिक परिचालक र महिला र बालिका विरुद्ध हुने हिंसा अन्त्यका अभियान कार्यक्रमका कर्मचारीहरुको सक्रियतामा १,४०० जना अभियानकर्ताहरुको सकृयतामा ७,००० जनाको हस्ताक्षर संकलन तथा प्रतिबद्धता भएको स्याक नेपालको महिला र बालिका विरुद्ध हुने हिंसा अन्त्यका अभियान कार्यक्रमका परियोजना संयोजक राम कुमारी चौधरीले जानकारी दिइन् । महिला र बालिका माथि हुने हिसा अन्त्यका लागी सचेतना फैलाउनको लागी डुडुवा गाउँपालिको वडा नं.१,२,४ र ५ र राप्ती सोनारी गाउँ पालिकाको वडा नं. ५,६ र ७ मा ४५ वटा टोलमा घरदैलो हस्ताक्षर संकलन तथा प्रतिबद्धता कार्यक्रम सम्पन्न भएको स्याक नेपालका कृष्ण गिरीले जानकारी दिए ।
Discussion about this post