भगतराम थारु
बाँके असार २३ गते । नेपालगन्ज न्युरोड स्थित रहेको होटल कल्पतरु लर्डसले सामाजिक कार्यमा पनि जोड दिएको छ ।
होटल कल्पतरुले हरेक हप्ता समाजमा भएका फोहरमैलाहरुलाई हटाउने उद्देश्यका साथ सरसफाई अभियान थालेको होटल कल्पतरुले जनाएको छ । नेपालगन्जको सर्सफाईको सुरुवात नेपलगञ्जको प्रख्यात मन्दिर बागेश्वरी मन्दिर सरसफाई गरि सामाजिक दायित्व पुरा गरेको छ ।
कल्पतरुले स्वास्थ्यको लागि सरसफाई अति आवश्यक रहेको हुनाले कल्पतरु होटल भित्र मात्रा सरसफाई नभई होटल बाहिर पनि उत्तिकै जरुरी रहेको हुनाले सरसफाइ अभियानलाई प्रथामिकता दिइएको होटल कल्पतरुका जेनेरल म्यानेजर अनिल कुमार झा ले भन्नुभयो । हरेक हप्ता हप्तामा यस खालको आयोजना गरि खाना संगै बाहिरको पनि वातावरण खाना स्वच्छ राखिने योजनाका साथ यो अभियान थालिएको उहाँले बताउनुभयो । समाजलाई नै सफा हराभरा बनाउने लक्ष्यका साथ अगाडी बढेको जेनेरल म्यानेजर झाले बताउनुभयो ।
पहिलो पटक कल्पतरुका २५ जनाको टिमले बागेश्वरी मन्दिरमा सरसफाई गरेको हो । फोहर भएको ठाउँमा हामीले हप्ता हप्तामा विभिन्न ठाउँको पनि सरसफाई गरिने कल्पतरुका गोविन्द आचार्यले बताउनुभयो । खाना कति स्वच्छ र वातावरण कति स्वच्छ हुन्छ यसलाई मध्यनजर गरि यस्तो खालको योजना कल्पतरुले बनाएको आचार्यले बताउनुभयो । सामाजिक कार्यसंगै विजनेसलाई पनि निरन्तरता दिइने उहाँले बताउनुभयो ।
Discussion about this post