बाँके माघ २० गते । बाँकेको नेपालगञ्ज जमुनाहामा कोरोना भाइरस चेकजाँचको व्यवस्थापनमा निस्किएका दुई जना कर्मचारी दुर्घटनामा घाइते भएका छन् ।
आज बिहान १० बजेतिर जमुनाहा नाकामा कोरोना भाइरस संक्रमण अवस्थाको चेकजाँच गर्न व्यवस्थापनमा निस्किएका नेपालगञ्ज उपमहानगरपालिका कर्मचारी चढेको मोटरसाईकल नेपालगञ्जको गणेशमान चोकमा दुर्घटना हुँदा स्वास्थ्य शाखाका गणेश कार्की र जागेश्वर बस्नेत घाइते हुनुभएको हो । कार्कीको बायाँ खुट्टा र हातमा चोट लागेको छ भने बस्नेतको बायाँ खुट्टा र दाहिने हात फ्याक्चर भएको छ ।
भे ६ प ७५२५ नम्बरको मोटरसाईकलमा चढेका स्वास्थ्यकर्मीलाई भेटनरी कार्यालयको भे १ बा ३०४ नम्बरको गाडीले चोकमा ठक्कर दिएको जनाइएको छ । दुबै जनाको नेपालगञ्ज मेडिकल कलेजमा उपचार भइरहेको छ । कोरोना भाइरसको संक्रमण बढिरहेका बेला बाँकेको सीमा जमुनाहामा आज सोमबारदेखि संक्रणम अवस्थाको चेकजाँच गरिने तयारी गरिएको थियो । नाकामा रहेको हेल्थ डेस्कमा भारतबाट आउने बिरामी वा शंका लागेका व्यक्तिहरुको चेकजाँच गरी सम्भावितलाई अस्पताल रिफर गर्नेछ । डेस्कले दुई वटा इन्फारेड थर्मोमिटर प्रयोगबाट बिषेश गरी बिरामी, रुघा खोकी लागेका र शंकास्पद व्यक्तिलाई चेक गरिनेछ ।
Discussion about this post