सरला सुबेदी कोहलपुर बाँके माघ २३ गते ।
नेपाल कम्युनिष्ट पार्टी नेकपा कोहलपुर नगर कमिटिले आयोजना गरेको नेता कार्यकर्ता भेटघाट कार्यक्रममा कर्णाली प्रदेशका अर्थमन्त्री प्रकाश ज्वालाले समृद्ध कर्णालीका लागि बाँके र बर्दिया सहितको कर्णाली प्रदेश बनाउन सकिने धारणा व्यक्त गरे । नेपाल कम्युनिष्ट पार्टी नेकपाका कर्णाली प्रदेश कमिटिका सहई न्चार्ज समेत रहेका मन्त्री ज्वालाले नेकपाको दोस्रो पुर्ण बैठक ऐतिहासिक र सान्दार रुपमा सम्पन्न भएको बताए । उनले विचार,व्यवस्थापन,बहस,छलफलका हिसाबले बैठकले नेकपा परिवारमा नयाँ उत्साह पैदा गरि नयाँ गतिका साथमा पार्टी एकता र उद्देश्य प्राप्तिका लागि बल पैदा गरेको बताए । मन्त्री ज्वालाले बर्दियाको राजापुर नाका र बाँकेको नेपालगञ्ज नाका बाहेकको कर्णाली प्रदेश अपुरो अधुरो जस्तो भएकाले रहनसहन,चालचालन र भाषा संस्कृतिका हिसाबले पनि संघियताको मर्म र भावना लाई पुरा गर्न बाँके र बर्दिया सहितको कर्णाली प्रदेश निर्माणमा एकताका साथ लाग्न आव्हान गरे ।
नेकपाका केन्द्रिय सदस्य कर्णाली प्रदेश नेता राष्ट्रिय सभाका सांसद माया प्रसाद शर्मा पारसमणिले सल्यानको घुईयाबारी हुदै नेपालगञ्ज सम्मको यात्रा धेरै पटक गरेको बाल्यकालको अनुभूति सुनाउदै सल्यान र कोहलपुर जोड्ने सडक अविलम्ब बनाउनु पर्ने विचार राखे ।उनले बाँके र बर्दिया लाई कर्णाली प्रदेशमा गाभ्ने आन्दोलन बारे बाँकेमा भएका बैठक बारे सुनेको बताउदै बुटवल राजधानी भए कर्णाली मै जान्छौ भन्ने तर्क र गतिविधि कमजोर र गलत भएको टिप्पणी गरे । उनले बाँके र बर्दिया सँग कर्णालीको गहिरो सम्बन्ध भएको बताए । नेता पारसमणिले नेकपाको दोस्रो पुर्ण बैठकले नेकपाको विभाजनको सपना देख्नेहरुको सपना ध्वस्त बनाईदिएको उल्लेख गरे ।उनले नेकपा ले फाल्गुण १ देखि ३ महिने अभियान संचालन गर्ने समेत बताए ।
नेता कार्यकर्ता भेटघाट कार्यक्रममा नेकपा बाँके जिल्ला कमिटि सदस्य तथा कोहलपुर,चप्परगौडी,खडकवार,घुईयावारी हुदै सल्यान जोड्ने अन्तरप्रदेशिय पर्यटन मार्ग संघर्ष समितिका संयोजक सुर्य ढकालले बजेट तथा सल्यान कोहलपुर सडक महत्व बारे प्रकाश पार्दै कर्णाली प्रदेशका आर्थिक,मामिला तथा योजना मन्त्री प्रकाश ज्वाला लाई ज्ञापनपत्र बुझाएका थिए ।कार्यक्रममा नेकपा बाँकेका सचिव अशोक कोईराला,कोहलपुर नगरपालिका प्रमुख लुट बहादुर रावत,नगर विकासका पुर्व अध्यक्ष अवराज खड्का,नेकपाका नेता अब्दुल हुसेन खाँ,वसन्ती अधिकारी,घननाथ खनाल,तुलराज विष्ट विहानी लगायत कोहलपुर नगरपालिकाका जनप्रतिनिधिहरुको बाक्लो उपस्थिति रहेको थियो ।
Discussion about this post