हेल्मेट र स्कुटीको टायर मुनि लुकाएर ल्याउँदै, ब्राउन सुगरसहित दुइ जना प्रहरीको फन्दामा
बाँके माघ २५ गते । बाँकेको नेपालगञ्ज जमुनाहा नाकाबाट ठूलो मात्रामा लागू औषध ब्राउन सुगर सहित दुई जना पक्राउ परेका छन ।
शनिबार जमुनाहा नाकाबाट बाईकमा सवार एक जना हेल्मेटमा लुकाई ल्याउँदै गरेको र अर्को एकजना स्कुटीको टायर मुनि लुकाएर ल्याउँदै गरेको लागू औषध ब्राउन सुगरसहित दुबै जनालाई प्रहरी ले पक्राउ गरेको हो ।
भारत र नेपालको सिमाना नजिक जमुनाहा नाकाबाट भे ९ प ६५२९ को स्कुटर मा सवार कैलाली जिल्लाको टीकापुर नगरपालिका वडानम्बर १ ज्योतीनगर बस्ने २१ वर्षीय शिव राज पुरीलाई १८.५० मिलिग्राम अर्को एकजना २०० ग्राम हेल्मेटमा लुकाएर ल्याउदै गर्दा नम्वर नखुलेको आर टि आर बाईक मा सवार भारतको जिल्ला बहराईच थाना मोति नगरका २५ बर्षिय अब्दुल रसिद नामका चाँद बाबु लाई जमुनाहा प्रहरीले चेकजाँच गर्दा ब्राउन सुगर सहित फेला परेको प्रहरी ले जनाएको छ ।
प्रहरी पोस्ट जमुनाहाका प्रमुख माधव प्रसाद रिजालको टोलिले सुराकीको आधारमा चेकजाँच गर्दा हेल्मेटमा लुकाई राखेको अवस्थामा आर्को एजजना स्कुटीमा लुकाएर ल्याउँदै गरेको ब्राउन सुगर फेला परेको प्रहरी निरीक्षक रिजाल ले बताए ।
पछिल्लो समयमा लागुऔषध नियन्त्रणमा बाँके प्रहरी ले अभियान को रुपमा आफ्नो कार्यक्रम बनाएर लागि परेको जनाएको छ । भारत नेपालको खुला सिमाना का कारण लागुऔषध नियन्त्रणमा कठिनाइ भोग्नु परेको जिल्ला प्रहरी कार्यालय बाँकेको भनाई छ ।
Discussion about this post