बाँके माघ २६ गते ।
बाँके डान्सिङ्ग स्टारको फाइनल राउण्ड शनिवार कोहलपुरमा सम्पन्न भएको छ ।
प्रतियोगिताको फाइनल राउण्ड छनौट कोहलपुर स्थित चप्परगौडीमा शनिबार सम्पन्न भएको हो ।
बाँके डान्स स्टार आइडल प्रतियोगिताको फाइनल राउण्डमा २३ जना प्रतिस्पर्धीले प्रतिस्पर्धा गरेका थिए । २३ जना प्रतिस्पर्धीलाई उछिन्दै नेपालगन्जका शिवम बानियाले बाँके डान्स आइडलको उपाधी चुम्न सफल भएका हुन् ।
यस्तै बाँके डान्स आइडलका दोश्रो उपाधी नेपालगन्जकै स्वष्तिका शाहीले प्राप्त गर्न सफल भएका छन भने तेश्रो उपाधी कोहलपुरका निशा चौधरीले हात पार्न सफल भएका छन् । प्रथम, द्धितिय र तृतिय हुनेलाई आयोजकले क्रमश ५० हजार, २५ हजार र १५ हजारको चेक हस्तान्त्रण र २÷२ वटा म्युजिक भिडियोमा खेल्ने अवसर प्रदान गरिने जनाएको छ । १ सय २० प्रतिस्पर्धी मध्ये फाईनल राउण्डमा २३ जना प्रतिस्पर्धी पुग्न सफल भएका थिए । प्रथम र दोश्रो अडिसन नेपालगन्ज र कोहपुरमा भएको थियो ।
फाइनल राउण्डमा चर्चित मोडल तथा गायक कृष्ण रेउले, डान्सडइरेक्टर दिपक बर्मा, डाइरेक्टर सुरेश पन्थी, मनोज श्रेष्ठ, अनुप बुढा, हिमाल चौधरी,अविरल थापा लगायतले पुरस्कार प्रदान गर्नुभएको थियो । बाँके डान्स आइडलको स्कूल पाटनर्समा होप इन्टरनेश्नल नेपालगन्ज र केएमसी कोहलपुरले गरेका थिए । प्रतियोगिताले बाँकेको कला सांस्कृतिकलाई प्रोत्साहन गर्नलाई सहयोग पु¥याउने प्रतियोगिताका प्रस्तुतकर्ता दिपक बर्माले बताउनुभयो । स्थानिय स्तरमा रहेका प्रतिभाहरुको खोजि गर्न कोहलपुरमा डान्स आइडलको आयोजना गरीएको हो । मंसिर महिनामा सुरु भएको पहिलो अडिशनमा १ सय २० जना प्रतिस्पर्धी सहभागी भएका थिए । डान्स आइडलमा स्थानिय कलाकारहरुको उत्साहजनक सहभागीता रहेको डान्स डाइरेक्टर सुरेश पन्थीले बताउनुभयो । आयोजकले अबका अडिशन अझ बढी प्रतिस्पर्धात्मक र रोमाञ्चक हुने जनाएको छ । डान्स प्रतियोगितामा भाग लिएका सम्पुर्णलाई मायाको चिनो आयोजकले प्रदान गरेको थियो ।
Discussion about this post