सल्यान माघ २९ गते । नेपाली सेनाको गाडी दुर्घटना हुँदा एक जनाको घटना स्थलमै मृत्यु भएको छ ।
सल्यानबाट दाङ तर्फ आउँदै गरेको सपुत गण व्यारेक सल्यानको लु १ ग १२३ नम्वरको गाडी कपुरकोट गाउँपालिका वडा नम्वर ३ चोरखोलामा दुर्घटनाग्रस्त भएको प्रहरीले जनाएको हो ।
मृत्यु हुनेको पहिचान हुन बाँकी रहेको छ । गाडी सवार सातजना मध्ये चार जनाको उद्धार गरी उपचारका लागी जिल्ला बाहिर रिफर गरिएको छ भने एक जनाको अझै उद्धार गर्न बाँकी रहेको जनाईएको छ । एक जनाको भरखरै उद्धार गरी उपचारका पठाईएको जनाईएको छ । उद्धारमा समस्या भएको प्रहरीले बताए । अहिले प्रहरीको टोली घटनास्थल तर्फ प्रस्थान गरेको जनाईएको छ । दुर्घटना बुधबार दिउँसो चारबजे भएको बताईएको छ । घटनाको विस्तृत विवरण आउन बाँकी रहेको प्रहरी ले बताए ।
ADVERTISEMENT
Discussion about this post