कोहलपुर बाँके फागुन ४ गते । बाँकेको कोहलपुरमा रहेको बागेश्वरी बहुमुखी क्याम्पसका प्रमुख शिशिर कुमार शर्माले सत्तारुढ नेपाल कम्यूनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल (प्रचण्ड) र गृहमन्त्री राम बहादुर थापा (बादल) लाई ज्ञापन पत्र बुझाएका छन् ।
बागेश्वरी क्याम्पस मध्यपश्चिम विश्वविद्यालयमा हालसम्म पनि उपकुलपति नियूक्ति नहुँदा शैक्षिक प्रणाली नै समस्यामा परेको भन्दै क्याम्पस प्रमुख शर्माले सत्तारुढ नेपाल कम्यूनिष्ट पार्टीका अध्यक्ष तथा पूर्वप्रधानमन्त्री पुष्पकमल दाहाल (प्रचण्ड) र गृहमन्त्री राम बहादुर थापा (बादल) लाई ज्ञापन पत्र बुझाएका हुन् ।
भखरै मात्र समायोजन भै मध्यपश्चिम विश्वविद्यालयका क्याम्पस रुपान्तरण भएका १० आंगिक क्याम्पसमा कार्यरत शिक्षक र कर्मचारीका समस्या र प्राज्ञिक तथा शैक्षिक समस्या भएकोले ज्ञापन पत्र बुझाएको क्याम्पस प्रमुख शर्माले जानकारी दिए ।
प्रदेश नं. ५ का बाँगेश्वरी बहुमुखी क्याम्पस बाँके, बबई बहुमुखी क्याम्पस बर्दिया र जलजला क्याम्पस रोल्पा गरी तिन वटा क्याम्पसको भविष्य के हुन्छ ? भन्ने अन्यौल रहेको छ । कर्णाली र दुर्गम क्षेत्रमा परेका जनताहरुलाई विभेद गरेको आभाष हुनाले मध्यपश्चिम विश्वविद्यालयलाई संघिय विश्वविद्यालयमा नै रहने व्यवस्था पहल गरिदिन ज्ञापन पत्रमा उल्लेखित गरिएको छ ।
Discussion about this post