भगतराम थारु बाँके फागुन ४ गते ।
मिस्टर एण्ड मिस स्कुल बाँके सिजन–२ का प्रतियोगी र आयोजक टिम आइतवार नेपालगन्जको एक बृद्धाआश्रममा पुगेका छन् । इभेन्टको तयारीमा जुटेका पिके इभेन्ट प्रालिको टिम सहित प्रतियोगिहरु पनि नेपालगन्जको निलसागर असहाय असक्त तथा बृद्धबृद्धा आश्रम सेवा केन्द्रमा पुगेका थिए । यही ९ गते फाइनल अडिसन हुने भएको हुनाले विधिवत रुपमा उद्घाटन गर्न पुरै टिम आश्रममा पुगेका हुन् ।
पिके इभेन्ट प्रालीको आयोजनामा हुन लागेको मिस्टर एण्ड मिस स्कुल बाँके, सिजन–२ को पहिलो चरणको अडिशन शुरु भई अन्तिम चरणमा पुगेको छ । अन्तिम फिनाले पुगेका मिस्टर एण्ड मिसहरुलाई निलसागर वृद्धाआश्रम पुगी आशिवाद लिएका छन् । इभेन्टका लागि केक काटेर सिजन २ को उद्घाटन गरिएको थियो । युवा युवतीहरुको व्यक्तिगत क्षमता अभिवृद्धि, सामाजिक सद्भाव, नयाँ ज्ञानको विकास गर्दै व्यक्तित्व विकास गर्ने जस्ता कुराहरूलाई बुझि आश्रम रहेका बुवा आमाहरुबाट आशिर्वाद लिई कार्यक्रम शुभारम्भ गरिएको पिके इभेन्ट प्रालिका संचालक प्रकाश कुँवरले बताउनुभयो ।
गतसालमा पनि पिके प्रालिले सुरु गरेको इभेन्ट सफल भएको थियो । सोही अनुरुप यस बर्ष ८ जना प्रतियोगी फाइनलका लागि पुग्न सफल भएका छन् । पिके प्रालिले नेपागन्जमा युवाहरुको व्यक्तिगत विकासका लागि फेस अफ नेपालगन्ज, स्कुल बाँके, एसइई नेपालगन्ज, लिटिल नेपालगन्ज जस्ता कार्यक्रमहरु आयोजना गर्दै आएको छ भने सिजन–२ को फिनाले भने फागुनको ९ गते सुनाखरी रेष्टुरेन्टमा गरिने भएको छ ।
Discussion about this post