खोजखबर संवाददाता
बाँके असार ३० गते । बाँकेको राप्ती सोनारी गाउँपालिका पनि साक्षर घोषणा गरिएको छ ।
सोमबार जिल्लामा चौथो साक्षर स्थानीय तह राप्ती सोनारी गाउँपालिका घोषणा भएको हो । गाउँपालिका अध्यक्ष लाहुराम थारुले ९५.११ प्रतिशत जनसंख्या साक्षर भएको भन्दै गाउँपालिकालाई साक्षर घोषणा गर्नु भयो । उहाँले बाँकी ५ प्रतिशत निरक्षर व्यक्तिलाई पनि साक्षरता कार्यक्रम सन्चालन गरेर साक्षर बनाउने प्रतिबद्धता जनाउनु भयो ।
सो अवसरमा गाउँपालिकाका प्रमुख प्रशासकीय अधिकृत वीरेन्द्र माझी र शिक्षा शाखा निमित्त प्रमुख ओमप्रकाश थापाले राप्ती सोनारी गाउँपालिकालाई साक्षर घोषणा गर्न भएका प्रयासबारे जानकारी गराउनु भएको थियो । कार्यक्रममा बाँके क्षेत्र नंं. १ का प्रतिनिधिसभा सदस्य महेश्वर गहतराज ‘अथक’, जिल्ला समन्वय समितिका प्रमुख अजय श्रीवास्तव, पूर्वमन्त्री प्रेमबहादुर भण्डारी, संविधानसभा सदस्य अशोक रोकाय, गाउँपालिका उपाध्यक्ष धनीकुमारी खत्री लगायतले मन्तब्य राख्नु भएको थियो ।
जिल्लाका ८ स्थानीय तहमध्ये अहिलेसम्म ४ वटा साक्षर घोषणा भएका छन् । जिल्लाको पहिलो साक्षर स्थानीय तह कोहलपुर, दोस्रो खजुरा गाउँपालिका र तेस्रो जानकी गाउँपालिका हो । नेपालगन्ज उपमहानगरपालिका, बैजनाथ, डुडुवा र नरैनापुर साक्षर घोषणा हुन बाँकी छ । प्रदेश ५ मा कम साक्षर जिल्लामा बाँके र कपिलवस्तु पर्छन् ।
Discussion about this post