खोजखबर संवाददाता
बाँके असार ३० गते । राष्ट्रपति खेलकुद महिला सहभागिता कार्यक्रम अन्तरगत आईतवारदेखि नेपालगन्जमा संचालित अभिवृद्धि तालिम सम्पन्न भएको छ । राष्ट्रिय खेलकुद परिषदको आयोजना, जिल्ला खेलकुद विकास समितिको संयोजन र व्यवस्थापनमा सुरु भएको तालिम सोमबार सम्पन्न भएको हो ।
महिला सशक्तिकरणका लागि हाम्रो संकल्प, खेलकुदमा महिला सहभागीता उत्तम विकल्प भन्ने मुख्य नाराका साथ महिला हिंसा न्युनिकरण, क्षमता अभिबृद्धी र किशोरीहरुको आत्मरक्षाका लागि तालिम संचालन गरिएको हो । दुईदिनसम्म चलेको तालिममा १ सय ५० जना छात्राहरुको सहभागीता रहेको आयोजकले जनाएको छ ।
प्रशिक्षकद्वय संजु मर्हजन र राधिका हमालले सहभागी छात्राहरुलाई आत्मरक्षाका लागि अपनाउनु पर्ने बिधी तथा तरिकाका बारेमा प्रशिक्षण प्रदान गरेका थिए । सहभागीहरुले तालिमले आफुहरुको मनोबल बढाउनुका साथै आत्मरक्षा कसरी गर्न सकिन्छ भन्ने ज्ञान हासिल गरेको बताए ।
सहभागी छात्रा कलपना ओलीले जस्तो सुकै परिस्थितिमा पनि आफुहरु सुरक्षित रहने कुरामा तालिममले आत्मबल र सिप सिकाएको धारणा राखिन । सहभागी प्रशिक्षार्थीहरुलाई कार्यक्रमका प्रमुख अतिथि एवँ मध्यपश्चिम क्षेत्रीय खेलकुद बिकास समिति नेपालगन्जका कार्यबाहक अध्यक्ष नरेन्द्र थापा, जिल्ला खेलकुद बिकास समिति बाँकेका अध्यक्ष आतंक बस्नेत, खेलकुदका पुर्ब क्षेत्रीय उपाध्यक्ष समसुद्दिन सिद्दिकी, जिल्ला खेलकुद बिकास समितिका कोषाध्यक्ष नारायणी ओली, सदस्य गोबिन्द रेग्मी लगायतले प्रमाणपत्र प्रदान गरेका थिए । सन्तोष श्रेष्ठले सन्चालन गरेको तालिम समापन समारोह जिल्ला खेलकुद विकास समितिका अध्यक्ष आतंक बस्नेतको सभापतित्वमा भएको थियो ।
Discussion about this post