बाँके फागुन २९ गते । बाँकेको कोहलपुरमा २४ घण्टाभित्र भएका छुट्टाछुट्टै दुर्घटनामा दुईजनाको ज्यान गएपछि मृतकका आफन्त र स्थानीयबासीले नेपालगन्ज–कोहलपुर तथा कोहलपुर–सुर्खेत सडकखण्ड अवरुद्ध गरेका छन् । आज विहान देखि गरिएको सडक अवरुद्धका कारण गन्तव्यमा हिडेका सवारीसाधनका सयौं यात्रुहरु बीच बाटोमै अलपत्र परेका छन्। हिंजो टिप्परको ठक्करबाट कोहलपुर ९ पिपरिमा स्थानीय रामपति थारुको मृत्यु भएको थियो । यस्तै आज विहान कोहलपुर चौराहमा नगरबसले अटोलाई ठक्कर दिदा अटो चालक जयबहादुर रोकाको मृत्यु भएको थियो भने चारजना घाइते भएका थिए ।
दुवै घटनाका पीडित परिवारले मृतक परिवारलाई क्षतीपूर्ति, घाइतेको उपचार खर्च र दोषीलाई कारवाहीको माग गर्दै विहानैदेखि सडक अवरुद्ध गरेका थिए । सहमतिका लागि प्रयास जारी रहँदा बाटो खुलाउने तर सहमति जुट्न नसक्दा पुनः बाटो अवरुद्ध गर्ने गरेका कारण यात्रुहरुले सास्ती खेप्नु परेको छ । बाँकेका एसपी बीरबहादुर ओलीले पीडित परिवारले क्षतीपूर्ति धेरै मागेका कारण सहमति जुट्न नसकेको बताउनुभयो ।
नियमानुसार मृतकका परिवारले जनही ५-५ लाख क्षतीपूर्ति पाउनु हुन्छ तर पीडित परिवारले ३०-३० लाख माग दावी गर्नुभएको छ एसपी ओलीले भन्नुभयो । प्रहरी दुवै घटनाका चालकहरुलाई नियन्त्रणमा लिइसकेको छ ।
Discussion about this post