बर्दिया चैत्र १ गते । बर्दियाका स्थानीय नागरिकहरु प्रत्याभुत सन्चारको बारेमा सचेत हुदै हुदैछन् । प्लान इन्टरनेशनल नेपाल फिल्ड अफिस नेपालगंजको आर्थिक सहयोगमा स्याक नेपाल बाँकेद्धारा संचालित प्रत्याभुत संचार परियोजना अन्तर्गत अभिभावकहरुलाई प्रत्याभूत संचारको बारेमा ४ वटा अभिमुखिकरण कार्यक्रम बर्दिया जिल्लाका बिभिन्न पालिकाहरुमा सम्पन्न गरिएको छ । मधुवन नगरपाालिकाको वडा नं १ र २ मा ३ वटा अभिमुखिकरण र राजापुर नगरपालिकाको वडा नं १० मा १ वटा अभिमुखिकरण गरि जम्मा ४ वटा अभिमुखिकरण सम्पन्न गरिएको छ । उक्त अभिमुखिकरणहरुकोे मुख्य उद्देश्य सहभागिहरुलाई प्रत्याभूत बाल बालिकाहरुको फोटोहरु किन खिचिन्छ रु उनीहरुको सुचनाहरु बार्षिक रुपमा किन लगिन्छ रु उक्त सुचना तथा फोटोहरु के काममा प्रयोग हुन्छ र समुदाय बिकासमा प्रत्याभूत बालबालिकाको महत्व तथा भुमिकाको बारेमा जानकारी गराई समुदायमा बालबालिका माथि हुने बिभेदलाई कम गर्ने रहेको थियो । साथै सहभागिहरुले प्लान इन्टरनेशनल नेपालको यूवा तथा बाल संरक्षण नितिको बारेमा पनि जानकारि गराउँने रहेको थियो ।
उक्त अभिमुखिकरण कार्यक्रमका सहभागीहरुलाई स्याक नेपाल बाँकेको तर्फबाट प्रत्याभूत संचार परियोजना का बरिष्ठ कार्यक्रम अधिकृत शेषकान्त शर्माले स्वागत गरेका थिए भने कार्यक्रमको सहजिकरण स्नेहलता श्रेष्ठ र जिवनाथ पराजुलीले गर्नु भएको थियो । सहभागीहरु ले आफ्नो जिज्ञासाहरु पालैपालो राखेका थिए र उनिहरुको जिज्ञासाहरुको जवाफ स्नेहलता श्रेष्ठ र जिवनाथ पराजुली दिनुभएको थियो ।साथै जिवनाथ पराजुली र स्नेहलता श्रेष्ठले कोरोना भाइरस के हो र यसवाट सुरक्षित हुने उपाएको बारेमा सवै सहभागीहरुलाई जानकारी गराउँनुभएको थियो ।
उक्त अभिमुखिकरणको अन्त्यमा सवै सहभागीहरुले उनिहरु प्लान परिवारको भएको हुनाले उपहार स्वरुप सरसफाईको सामाग्रीहरु दिईएको थियो । जसमा उनिहरुले नुहाउने सावुन २ वटा,काईयो १ वटा, नङ्गकटर १ वटा, टावेल १ थान, दात माझने ब्रस १ थान र मंजन १ थान । उक्त कार्यक्रमको ब्यबस्थापन स्याक नेपालको फिल्ड सुपरभाईजर अनिता चौधरीले र सागर बि।कले गर्नुभएको थियो । बर्दिया जिल्लामा प्रत्याभूत परियोजनाले परियोजना संचालन भएको ठाउँमा सवै अभिभावकहरुलाई प्लानको कार्यक्रमहरुका साथै बाल संरक्षण नीतिको बारेमा अभिमुखिकरण संचालन गर्ने योजना रहेको कुरा परियोजना अधिकृत शेषकान्त शर्माले जानकारी गराउँनु भयो ।
Discussion about this post