बाँके चैत ४ गते । भारतमा कोरोनाको संक्रमण फैलिदै गएपछि नेपालगन्ज–दिल्ली यातायात सेवामा आजदेखि रोक लगाइएको छ । नेपालगन्जको जमुनाह नाका भएर दैनिक एक दर्जन बस भारतको दिल्लीका लागि छुट्ने गरेका थिए । दिल्लीमा कोरोनाको संक्रमण फैलिने क्रम बढेपछि भारतीय सुरक्षा अधिकारीहरुसँगको छलफलमा नेपालगन्ज–दिल्ली यातायात सेवामा अनिश्चितकालका लागि रोक लगाएको बाँकेका एसपी बीरबहादुर ओलीले जानकारी दिनुभयो ।
आज दिल्ली जान हिडेका बसहरुलाई जमुनाह नाकाबाट फर्काइएको छ ।
त्यस्तै अन्यसवारी साधनलाई समेत भारत लैजाने निषेध गरिएको छ । नेपालगन्जको चौलिकादेखि नाका तिर कुनै पनि सवारी साधन लैजान नपाउने एसपी ओलीले बताउनुभयो ।
उहाँका अनुसार भारत जानै परे पैदल जानु पर्नेछ । चौलिकाबाट रुपैडिया पुग्न तीन किलोमिटर पैदल हिड्नु पर्ने छ ।
आजदेखि सीमामा भारतबाट फर्किने र भारत प्रवेश गर्ने मानिसहरुलाई समेत अत्यन्तै कडाई गरिएको छ । भारततर्फ जाने यात्रुलाई भारतीय सुरक्षा बल एसएसवीले स्वास्थ्य जाँच गर्ने गरेको छ भने नेपाल प्रवेश गर्ने यात्रुलाई हेल्प डेक्समा स्वास्थ्य जाँच गराएरमात्र आउन दिने गरिएको छ ।
Discussion about this post