फाइल फोटो
बाँके चैत ६ गते । विश्व हल्लाइरहेको कोरोनाको जोखिम न्यूनिकरणका लागि सरकारले पूर्व सूचनाबिना अचानक एसइई परीक्षा स्थगित गरेपछि परीक्षा दिन केन्द्रमा पुगेका विद्यार्थीहरु निराश भएर फर्किएका छन् । परीक्षाको तयारीका साथ आज विहान केन्द्रमा पुगेका विद्यार्थीहरु परीक्षा स्थगित भएको थाहा पाएपछि निराश भएर घर फर्किएका हुन् । यसअघि सरकार आफैले हिंजो अपरान्हसम्म एसइई परीक्षा सन्चालन हुने जनाएको थियो । तर साझतिर अचानक परीक्षा स्थगित गर्यो । परीक्षा स्थगित भएकोबारे कैयौं विद्यार्थीहरुलाई आज विहानसम्म पनि थाहा भएन र उनीहरु परीक्षा दिन केन्द्रैसम्म पुगे । एसइई परीक्षाका लागि तोकिएका केन्द्रमा समेत सिट पलानिङदेखि परीक्षाको सम्पूर्ण तयारी पूरा भएको थियो । टाढाका विद्यार्थीहरु एक हप्ता अघि नै केन्द्र नजिकै कोठा लिएर बसेका थिए । परीक्षा अव कहिले हुन्छ टुंगो छैन् । आदर्श मावि राझामा अध्ययनरत रिता गिरी भन्दै हुनुहुन्थ्यो परीक्षाको लागि गरिएको मेहनत खेर गएजस्तो भइरहेको छ । तराईमा भन्दा बढ्दा दुःख पहाडी र हिमाली क्षेत्रका विद्यार्थीहरुले पाएका छन् । भौगोलिक विकटता कारण उनीहरुले महिना दिन अगावै कोठा लिएर परीक्षाको तयारी गरिरहेका थिए । तर विज्ञहरु भन्छन्, यस्तो अवस्थामा विद्यार्थीहरु अन्यौलमा पर्ने होइन घरमा बसेर नियमित स्वअध्ययन गरिराख्नु पर्छ ।
Discussion about this post