बाँके चैत ९ गते । नेपालगञ्ज हुँदै दाङ प्रवेश गर्न लागेका २६ जना भारतीय नागरिकलाई नेपालगन्ज तर्फ नै फिर्ता पठाइएको छ । नेपालगञ्जबाट गाडी रिजर्भ गरेर दाङ गएका उनीहरुलाई तुलसीपुर उपमहानगरपालिका १३ दमारगाउँबाट फिर्ता पठाइएको हो । दमारगाउँमा स्थापना गरिएको हेल्थडेस्कमा सोधपुछ गर्दा उनीहरुले आफूहरु इँटा भट्टामा काम गर्ने मजदुर भएको र भारतको नानपाराबाट आएको बताएका थिए । ‘उनीहरु सबै भारतीय नागरिक रहेछन्, राम्रोसँग नेपाली बोल्न पनि जान्दा रहेनछन्,’ हेल्थ डेस्कमा खटिएका जनस्वास्थ्य निरीक्षक विमल केसीले भने, ‘कोरोना भाइरस संक्रमित भेटिएको भारतबाट आएकाले उनीहरुलाई हामीले फिर्ता पठाइदियौं ।’ उनीहरु नेपालगञ्ज हुँदै नै दाङ प्रवेश गरेको अनुमान गरिएको छ । तर, नेपालगञ्जको जनस्वास्थ्य टोलीलाई आफूहरुले नभेटेको बताएको छ । भारतबाट आएका घोराहीका एक जना १७ वर्षीय युवकलाई कोरोना संक्रमणसँग मिल्दोजुल्दो लक्षण देखिएपछि राप्ती स्वास्थ्य विज्ञान प्रतिष्ठानको आइसोलेसनमा राखिएको छ । जनस्वास्थ्य अधिकृत केसीले भने, ‘हामीले नेपालगञ्जको स्वास्थ्य टोलीलाई पनि सोध्यौं, तर उनीहरु कहाँबाट छिरे भन्ने थाहा हुन सकेन । सायद उनीहरु अन्य कुनै साना नाकाबाट छिरेको हुनुपर्छ ।’ यसैबीच भारतबाट आएका घोराहीका एक जना १७ वर्षीय युवकलाई कोरोना संक्रमणसँग मिल्दोजुल्दो लक्षण देखिएपछि राप्ती स्वास्थ्य विज्ञान प्रतिष्ठानको आइसोलेसनमा राखिएको छ । उनी निजी अस्पतालमा उपचार सम्भव नभएपछि शुक्रबार प्रतिष्ठानमा रेफर गरिएका विरामी हुन् । पारिवारिक स्रोतका अनुसार उनलाई १८ दिनदेखि ज्वरो आइरहेको थियो ।प्रतिष्ठानका एक डाक्टरका अनुसार ती किशोरमा कोरोनाको आशंका गर्न मिल्ने उच्च ज्वरो, कफ, डाइरिया लगाएतका समस्या छ। उनको नमूना संकलन गरी परीक्षणका लागि काठमाडौंमा पठाउने तयारी भइरहेको छ ।
Discussion about this post