सरला सुबेदी बाँके चैत्र ९ गते । बैजनाथ गाउपालिकाले कोरोना संक्रमण हुन् नदिन गाउपालिका कार्यालय प्रवेश गर्दा साबुन पानी तथा सेनेटाइजर अनिवार्य हातमा लगाउनु पर्ने नियम आइतबार आजदेखि लागु गरेको छ ।बैजनाथ स्वास्थ शाखाले आफ्ना सबै स्वास्थ चौकी तथा उप स्वास्थ चौकीका कर्मचारीहरु सक्रिय भएको र कोरोना संक्रमण बारे जनचेतना र आवश्यक औषधिहरु तयार गरि राखेको पालिका अध्यक्ष मानबहादुर रुचालले बताए ।अध्यक्ष रुचालले कोरोनाबाट बच्न स्वास्थ सेवामा उच्च सतर्कता अपनाउन आम बैजनाथ बासीहरुलाई आग्रह गरेका छन । यस्तो संकटको घडिमा आफ्नो लागी आफै सतर्क रहनु पर्ने भएकाले उनले आपतकालीन अवस्था बाहेक अन्यबेला जथाभावी हिडडुल नगर्न अनुरोध गरेका छन ।त्यस्तै कोरोना भाइरसको नाममा उपभोक्ताहरुलाई ठगि तथा कृतिम अभाव सिर्जना गर्ने व्यापारीलाई कानून अनुशार कारवाही गर्न गाउपालिका उपभोक्ता हित संरक्षण समिति संयोजक तथा गाउपालिका उपाध्यक्ष शारदा बिकले अनुगमनलाई तिब्र गरिने बताइन । कोरोना संक्रमण लाइ रोकथाम गर्न र सेवाग्राहीलाई नियमित सेवा उपलब्ध गर्न वडा कार्यालयले समेत वडा प्रवेशद्वारमा साबुनापानी सेनेटाईजर राखी हात धुन अनिवार्य गरेको छ ।
Discussion about this post