बाँके चैत ९ गते । नेपालगन्जमा ४० वेडको आइसोलेशन अस्पताल तयार गरिएको छ । कोरोना भाईरस बिरुद्धको जिल्ला स्तरीय समन्वय समितिले २४ घण्टामै ४० बेडको अस्पताल तयार पारेको हो ।
नेपालगञ्जस्थित खजुरा रोडमा रहेको लायन्स डेन्टल अस्पताललाई आइसोलेशन कक्षमा परिणत गरिएको हो ।
नेपालगञ्ज उपमहानगरपालिकाकी उपमेयर उमा थापा मगरले भारतबाट आउने नागरिकहरुका कारण कोरोना संक्रमणको जोखिम बढेकाले रातारात आइसोलेशन वेड सहितको अस्पताल तयार गरीएको बताउनुभयो ।
तयार गरीएको अस्पतालमा कोरोनाको संक्रमण देखिएका बिरामीहरुलाई उपचारकालागि राखीने भएको छ ।
यस्तै उपमेयर उमा थापामगरले नेपालगन्ज महेन्द्र बहुमुखी क्याम्पसलाई क्वारेन्टाइन बनाउने तयारी गरिएको जानकारी दिनुभयो । भारतबाट आउने सम्पूर्ण नागरिकलाई अव क्वारेन्टाइनमा राखिने गरी तयारी गरिएको पनि उहाँले जानकारी दिनुभयो ।
त्यसमा ५ सय जनालाई राख्न सकिने छ ।
यस्तै बाँकेका एसपी वीरबहादुर ओलीले कोरोना भित्रिन नदिन उच्च सर्तकता अपनाइएको जानकारी दिनुभयो । सीमानाका शिल गरिएको जानकारी दिंदै उहाँले भारतबाट नेपाल भित्रिसकेका यात्रुहरुको लागि विकल्प खोजिने बताउनुभयो ।
हेरौं भिडियो
Discussion about this post