बाँके चैत २३ गते । धनगढी शनिबार सुदूरपश्चिमका थप तीनजनाका कोरोना संक्रमण देखिएको छ। धनगढीका पहिलो संक्रमित युवाकी ३४ वर्षीय भाउजु, भारतको मुम्बईबाट फर्किएका कैलालीको लम्कीका २१ वर्षीय पुरुष र उत्तराखण्डबाट फर्किएका कञ्चनपुरका ४१ वर्षीय पुरुषमा कोरोना संक्रमण भेटिएको हो। योसँगै सुदूरपश्चिमका कोरोना संक्रमितको संख्या ४ पुगेको छ। कैलालीको लम्कीमा भेटिएका कोरोना संक्रमित २१ वर्षीय युवक सरकारले लकडाउन घोषणा गरेपछि भारतबाट फर्किएको खुलेको छ। उनीसँगै गौरीफन्टामा नाकामा रहेका ९ सय ९९ जनाले नेपाल आउन पाउनुपर्ने माग गर्दै प्रर्दशन गरेका थिए। त्यसपछि मन्त्रीपरिषद् बैठकको निर्णयपश्चात सीमामा रोकिएका २१ जिल्लाका ९ सय ९९ जनालाई प्रहरीले २१ वटा बसमार्फत गन्तव्य पठाएको थियो। र, तिनै भिडमा बाँकेका १६ जना पनि रहेको खुलेको छ । कंचनपुर प्रहरीले दिएको जानकारी अनुसार, बाँकेका १६ जना, बर्दियाका १३ र दांगका १० जना थिए । उनीहरुको क्वारेन्टाइनमा छन वा छैनन त्यसबारेमा अहिलेसम्म बाँके प्रहरी प्रशासनले कुनै जानकारी भने दिएको छैन् ।
Discussion about this post