बाँके बैशाख २ गते । नेपाल मानव धर्म सेवा समिति र नेपाल शिवसेनाको संयुक्तमा नेपालगंज दशगजा क्वारेन्टाईनमा दैनिक साझ २५० जना व्यक्तिहरुलाई खाना खुवाउने भएको छ। संकटको घडीमा असहाय, दुःखी र गरीबको सेवा गर्नु नै मानव जीवनको मुख्य लक्ष्य भएको भन्दै समिति र शिवसेनाले उनीहरुलाई खाना खुवाउने भएको हो। सम्पूर्ण जगत चराचर र प्राणीहरुको हितको निमत्त जीवन अर्पण र सेवा गर्न मानव मात्रले गर्न सक्नेछ नेपाल मानव धर्म सेवा समिति भेरी क्षेत्र आश्रम प्रभारी महात्मा नन्दनी बाईजीले बताउनुभयो ।
नेपाल मानव धर्म सेवा समिति बाँके जिल्लामा २५ बर्ष भन्दा लामो समय देखि नै आध्यात्मिक ज्ञान र समाजसेवामा क्रियाशिल रहेको छ। सनातन धर्मको प्रचार संगै सामाजिक कार्य गर्दै आईरहेको छ जसमा हरेक तिन महीनामा रक्तदान कार्यक्रम, नगर सरसफाई, बृक्षारोपण र शिक्षा अभियान लगायतका सामाजिक गतिविधि गर्दै आइरहेको छ ।
लॉकडाउनको पहिलो दिन देखि नै हामी सेवामा तत्पर रहेका छौ। दैनिक ज्यालदारी गरेर जीविकोपार्जन गर्ने मजदूरहरुको लागि राहत बितरण कार्यमा हामी सक्रिय रहेका छौ भने ड्यूटीमा खटीएका सुरक्षाकर्मीहरुलाई पनि खाजा र पानीको व्यवस्था गरेका थियौ उहाँले भन्नुभयो । लॉकडाउनअवधिभर दुःखी असहाय व्यक्तिहरुलाई नेपाल मानव धर्म आश्रम नेपालगंज १८ कारकादोमा खाना खाने व्यवस्था मिलाइएको छ ।
Discussion about this post