खोजखबर संवाददाता
बर्दिया साउन १० गते । स्थानीय तहले योजना निर्माण गर्दा सही समयमा गर्नु पर्ने एक कार्यक्रमको सहभागीले बताएका छन । सुचना र मानव अधिकार अनुसन्धान केन्द्रद्धारा आयोजित बर्दियाको गुलरियामा साझा सभा कार्यक्रमको प्रमुख अतिथि प्रदेश सभा सदस्य भुवनेश्वर चौधरीले प्रदेश सरकारले अहिले कृषि, पर्यटन तथा उद्यमशिलतालाई बिषेश जोड दिएको बताउनुभयो । साथै उहाँले देशलाई समृद्ध तिर लैजानको लागि युवाहरु कृषिमा लाग्नु पर्ने बताउनुभयो ।
सो साझा सभा कार्यक्रममा सुचना र मानव अधिकार अनुसन्धान केन्द्रका कार्यक्रम ब्यवस्थापक रविन्द्र कुमार ज्ञवालीले समुदाय स्तरबाट उठाइएका सवालहरु प्रष्ट पारेका थिए ।
सो कार्यक्रमको सभापति सूचना र मानव अधिकार अनुसन्धान केन्द्रका अध्यक्ष विश्वजित तिवारीले सरकारको नीति कार्यान्वय गराउनमा नागरिक समाजले राज्यलाई ध्यानाकर्षण गर्नु पर्ने बताउनुभयो । त्ययैगरि गुलरिया नगरपालिका वडा नं.४ का वडा अध्यक्ष राम बहादुर रावलले स्थानीय नागरिकहरुले उठाउनु भएका गुनासोलाई नगरपालिकामा पुर्याउने बाचा गरे । बढैयाताल गाउँपालिका वडा नं. ३का गठित स्थानीय सभाका संयोजक हरि बहादुर घर्तीले स्थानीय स्तरमा स्थानीय सभाले महत्व भुमिका खेलेका बताए । दलित महिला संघका हेमा सुनारले अझै पनि समाजमा जातीय विभेद भएको हुदाँ यस्तो कार्यलाई तत्काल रोक्नु पर्ने विचार राखिन् ।
जिल्ला महिला संघर्ष समितिका कृष्णा गौतमले गुलरयिा नगरपालिकाको वडा नं. ६ मा असारको महिनामा बाटो निर्माण हुदाँ हिलाम्य भएर हिडडुल गर्न समेत समस्या परेको गुनासो पोखिन् । गैरसरकारी महासंघ, बर्दियाका अध्यक्ष बिष्णु प्रसाद तिमिल्सिनाले नागरिक समाज संस्थाले राज्यलाई सही मार्ग निर्देश गर्नमा सहयोग पुगेको बताउनुभयो । बर्दिया नागरिक समाजका अध्यक्ष बालकृष्ण ओलीले ब्यवस्था परिवर्तन भएपनि ब्यवहार परिवर्तन नहुदाँ नागरिकले सोचे जस्तो विकास नभएको बताए । समाजसेवी मेघनाथ अधिकारीले नैतिकतालाई बढी महत्व दिनु पर्ने बताउनुभयो । त्यसैगरि कमलराज पौडेलले स्थानीय नागरिकको गुनासो सुन्न स्थानीय जनप्रतिनिधिहरु सहभागी हुुनु पर्नेमा जोड दिनुभयो ।
सुचना र मानव अधिकार अनुसन्धान केन्द्रद्धारा आयोजित साझा सभा कार्यक्रममा बर्दिया जिल्लामा क्रियाशिल बिभिन्न नागरिक समाज प्रमुख, सन्चारकर्मी, कानुन ब्यवसायी तथा जनप्रतिनिधिले अहिलेको बदलिदो परिस्थितिमा नागरिक समाज सकृय भएर सरकारसंग सहकार्य र समन्वय गरि अगाडि बढ्नु पर्नेमा जोड दिएका छन् । सो साझा सभाका सहभाी नागरिकहरुले प्रदश सभा सदस्यलाई प्रश्न गरेका थिए । कार्यक्रमको सहजीकरण आईएचआरसीका जिल्ला जवाफदेहिता अधिकृत सोम गुरुङ्गले गरेका थिए ।
Discussion about this post