सरला सुबेदी बाँके बैशाख २ गते । कोरोना भाइरस संत्रमण हुनको संख्या १० हजार नाघेको छ । भारतमा एकै दिन १ हजार बढी कोरोना भाइरस संक्रमित फेला परेको छ । हालसम्म यहाँ कोरोनाभाइरस संक्रमितको संख्या १० हजार ३ सय ६३ पुगेको छ ।
भारतको स्वास्थ्य मन्त्रालयले दिएको जानकारी अनुसार, कोरोना संक्रमणबाट मृत्यु हुनेको संख्या पनि ३ सय ३९ पुगेको छ । भारतमा पछिल्लो २४ घण्टामा मात्रै यो संक्रमणका कारण ३१ जनाको मृत्यु भएको छ ।
भारतको महाराष्ट्रमा मात्र अहिलेसम्म एक सय ६० जना कोरोना संक्रमितको मृत्यु भइसकेको छ भने दुई हजार तीन सय भन्दा बढी मानिसमा यो भाइरसको संक्रमण देखिएको छ ।
त्यस्तै, मध्य प्रदेशमा ४३, दिल्लीमा २८ र गुजरातमा २६ जनाको मृत्यु भइसकेको भारतीय स्वास्थ्य मन्त्रालयले जनाएको छ ।
लकडाउनकै बीच भारतमा कोरोना संक्रमण बढेको हो । प्रकोप न्यूनीकरणका जलागि भारतले मंगलबार मात्रै जारी लकडाउन ३ साता लम्ब्याउने निर्णय गरेको छ ।
Discussion about this post